Ükımettegı brifing barysynda Qazaqstannyŋ önerkäsıp jäne qūrylys ministrı Qanat Şarlapaev «ArselorMittal Temırtau» käsıpornyn memleket menşıgıne qaitaruǧa qatysty sūraqtarǧa jauap berdı, dep habarlaidy «Adyrna» ūlttyq portaly.
Ministr Ükımet kompaniiamen ūzaq uaqyt boiy kelıssözder jürgızgenın atap öttı.«Bız aldyn ala qūjattarǧa 22 qazanda qol qoidyq. Özderıŋız bıletındei, «ArselorMittal Temırta» qol qoiu räsımı qaiǧyly oqiǧaǧa deiın bolǧandyǧy turaly aqparatty rastady. Kelıssözder tez jürgızıldı dep aitu dūrys emes. Aldyn ala kelısımder 22 qazanda jasalǧanyn taǧy da qaitalap ötemın», - dedı ol.Sarapşylardyŋ aituynşa, Lakşmi Mittal Qazaqstannyŋ üstınen halyqaralyq sottarǧa şaǧym tüsıre alady.
«Būl jaǧdaida bız egjei-tegjeilı zaŋ jūmystaryn jürgızıp jatyrmyz. Osy investor aksionerler qūramynan şyqqannan keiın Qazaqstandy odan ärı sot ısterınen qorǧau üşın», - dedı Şarlapaev.Sondai-aq ministr kompaniianyŋ atauy özgeruı mümkın ekenın mälım ettı.
«Şeşım älı qabyldanbady. Bıraq investordyŋ qazaqstandyq käsıporyn aksionerlerınıŋ qūramynan şyǧuyna bailanysty bız "ArselorMittal Temırtau" atauyn paidalana almaimyz. Mūnda qyzmetkerlerdıŋ pıkırın eskeru maŋyzdy bolady», - dedı ol.
«Adyrna» ūlttyq portaly
Ūqsas jaŋalyqtar
