وتكەندە الماتى وبلىسىنىڭ كورىكتى جەرلەرىن ارالاپ قىدىرىپ ءجۇرىپ كەگەن اۋدانىنا ات باسىن تىرەپ توعىزبۇلاق اۋىلىنا تۇسكەن بولاتىنمىن. توعىزبۇلاق اۋىلىندا كوكەم تۇرادى. ول كىسى اۋەلدەن ءبىزدى قوناققا شاقىرىپ جانى قالماي كۇتىپ جۇرگەن ەدى. ۇيىنە تۇسكەسىن كوكەمىز جايىلىپ جاستىق، ءيىلىپ توسەك بوپ بايەك بولدى.
وتاعاسىنىڭ (ەسىمى ەردەن) ءتورت بالاسى بار. 17- 18 دەگى ەكى ۇلى الماتىدا ستۋدەنت، وقۋدا. ەكى كىشكەنتاي ۇلى مەكتەپتە، 1- 3 سىنىپتا وقيدى. جۇبايى - سالتانات تاتەم اۋىلداعى مادەنيەت ۇيىندە جۇمىس ىستەيدى.
وتاعاسىنىڭ جاستاۋ كەزىندە الماتىدا ىستەمەگەن جۇمىسى جوق، كەيىن دەنساۋلىعى سىر بەرگەسىن، اۋىلعا كەپ قاراشاڭىراقتى ۇستاپ، قورا - جاي، باۋ - باقشاعا، ۇيگە يە بولىپ جۇمىسسىز وتىر. وعان ينۆاليدنوست تە المايدى ەكەن.
سودان اس ۇستىندە اڭگىمە بوپ، تاتەمنەن "وتكەندە نازارباەۆ ايتقان كوپ بالالى انالاردىڭ پوسوبيەسىن الىپ وتىرسىزدار ما؟ " دەپ سۇراسام، "جوق، اكىمشىلىك ەكى سيىرلارىڭ بار ەكەن، سەندەرگە نە پولوجەنو دەدى" دەپ كۇمىلجيدى.
سويتسە، توعىزبۇلاق اۋىل اكىمى سالتانات تاتەمنىڭ كلۋبتان الاتىن 42 مىڭ جالاقىسىنا ەكى سيىرلارىن قوسىپ، ولاردى ورتا داۋلەتتىلەر ساناتىنا قوسىپ پوسوبيەگە ىلىكتىرمەپتى.
مەن مىندا - فەيسبۋكتە جۇرتتىڭ 21 مىڭ تەڭگە پوسوبيە تۋرالى ءتۇرلى باننەر، فوتولارىن كورىپ، وسى تاقىرىپقا قاتىستى ءتۇرلى اڭگىمەسىن وقىپ "قالجىڭداپ جۇرگەن شىعار" دەپ ءمان بەرمەي جۇرسەم، مىنا جەردە بۇنى ەستىگەسىن "ويپىراۋ مىناۋ راس ەكەن عوي ءوزى" دەپ تاڭعالىپ قالدىم.
كوكەمنىڭ ەكى ۇلى جوعارىدا ايتقاندايىن، ستۋدەنت. وقۋلارىن بىتىرگەسىن اسكەرىنە بارادى، بولاشاق وتان قورعاۋشىلار، ءبىر ءۇيدىڭ سونداي ءتورت ازاماتى بار. قازاقستاننىڭ كەلەشەگى.
مەندە بۇل جەردە مىنداي سۇراق تۋىندايدى: سوندا اتالمىش كوپبالالى انالارعا ارنالعان پوسوبيە مىناۋ داليعان جەرىمىزدى يەمدەنۋ ءۇشىن، ونى مەڭگەرۋ ءۇشىن تۋىلعان بالالاردىڭ يگىلىگىنە بەرىلمەگەندە، باسقا كىمگە بەرىلىپ وتىر؟ ناعىز "ۋا حالقىم، تەز ارادا كوپ بالا تۋىڭدار، كوبەيىڭدەر، جەرىمىز ۇلكەن، ەندى ونى ۇستاپ قالايىق دەسەك حالقىمىزدىڭ سانى كوبەيۋى كەرەك" دەپ وسىناۋ يگىلىككە اقشا شاشاتىن مەملەكەت ءبىزدىڭ مەملەكەت ەمەس پە ەدى.
جەرگىلىكتى كەگەن اۋدانىنىڭ، توعىزبۇلاق اۋىلىنىڭ اكىمشىلىگىنىڭ وسى ماسەلەگە قاتىستى نە ويلاعانى بار ەكەن. جالپى، باسقا جەردە وسى ماسەلە قالاي بوپ جاتىر جۇرتىم؟
ولجاس ءابىل
"ادىرنا" ۇلتتىق پورتالى
