Ótkende Almaty oblysynyń kórikti jerlerin aralap qydyryp júrip Kegen aýdanyna at basyn tirep Toǵyzbulaq aýylyna túsken bolatynmyn. Toǵyzbulaq aýylynda kókem turady. Ol kisi áýelden bizdi qonaqqa shaqyryp jany qalmaı kútip júrgen edi. Úıine túskesin kókemiz jaıylyp jastyq, ıilip tósek bop báıek boldy.
Otaǵasynyń (esimi Erden) tórt balasy bar. 17- 18 degi eki uly Almatyda stýdent, oqýda. Eki kishkentaı uly mektepte, 1- 3 synypta oqıdy. Jubaıy - Saltanat tátem aýyldaǵy mádenıet úıinde jumys isteıdi.
Otaǵasynyń jastaý kezinde Almatyda istemegen jumysy joq, keıin densaýlyǵy syr bergesin, aýylǵa kep qarashańyraqty ustap, qora - jaı, baý - baqshaǵa, úıge ıe bolyp jumyssyz otyr. Oǵan ınvalıdnost te almaıdy eken.
Sodan as ústinde áńgime bop, tátemnen "ótkende Nazarbaev aıtqan kóp balaly analardyń posobıesin alyp otyrsyzdar ma? " dep surasam, "joq, ákimshilik eki sıyrlaryń bar eken, senderge ne polojeno dedi" dep kúmiljıdi.
Sóıtse, Toǵyzbulaq aýyl ákimi Saltanat tátemniń Klýbtan alatyn 42 myń jalaqysyna eki sıyrlaryn qosyp, olardy orta dáýlettiler sanatyna qosyp posobıege iliktirmepti.
Men mynda - feısbýkte jurttyń 21 myń teńge posobıe týraly túrli banner, fotolaryn kórip, osy taqyrypqa qatysty túrli áńgimesin oqyp "qaljyńdap júrgen shyǵar" dep mán bermeı júrsem, myna jerde buny estigesin "oıpyraý mynaý ras eken ǵoı ózi" dep tańǵalyp qaldym.
Kókemniń eki uly joǵaryda aıtqandaıyn, stýdent. Oqýlaryn bitirgesin áskerine barady, bolashaq otan qorǵaýshylar, bir úıdiń sondaı tórt azamaty bar. Qazaqstannyń keleshegi.
Mende bul jerde myndaı suraq týyndaıdy: sonda atalmysh kópbalaly analarǵa arnalǵan posobıe mynaý dalıǵan jerimizdi ıemdený úshin, ony meńgerý úshin týylǵan balalardyń ıgiligine berilmegende, basqa kimge berilip otyr? Naǵyz "ýa halqym, tez arada kóp bala týyńdar, kóbeıińder, jerimiz úlken, endi ony ustap qalaıyq desek halqymyzdyń sany kóbeıýi kerek" dep osynaý ıgilikke aqsha shashatyn memleket bizdiń memleket emes pe edi.
Jergilikti Kegen aýdanynyń, Toǵyzbulaq aýylynyń ákimshiliginiń osy máselege qatysty ne oılaǵany bar eken. Jalpy, basqa jerde osy másele qalaı bop jatyr jurtym?
Oljas Ábil
"Adyrna" ulttyq portaly
