2009 جىلدان بەرى حالىق سانى 20% وسكەن. بۇل تۋرالى ۇلتتىق ستاتيستيكا بيۋروسى stat.gov.kz رەسمي سايتىندا «2021 جىلعى حالىق ساناعىنىڭ» سوڭعى قورىتىندىلارىن جاريالاي باستادى، دەپ حابارلايدى “ادىرنا” ۇلتتىق پورتالى.
اقپارات بويىنشا، 2021 جىلعى 1 قىركۇيەكتەگى ساناق قورىتىندىسى بويىنشا حالىق سانى 19 186 015 ادامدى قۇراعان.ءۇش وڭىردە حالىق سانى 2 ملن ادامنان استى – الماتى (2 146 576) مەن تۇركىستان وبلىستارى (2 054 021) جانە الماتى قالاسى (2 030 285). بۇل رەتتە ساناق اراسىنداعى كەزەڭدە حالىقتىڭ ەڭ كوپ ءوسۋى استانا قالاسىندا – 2 ەسە (613 مىڭنان 1 234 مىڭ ادامعا دەيىن), شىمكەنت قالاسىندا 1,5 ەسە (730 مىڭنان 1 112,4 مىڭ ادامعا دەيىن) جانە ماڭعىستاۋ وبلىسىندا (485 مىڭنان 735 مىڭ ادامعا دەيىن) بايقالدى، دەلىنگەن مالىمدەمەدە.
