الماتىدا سارباز قاتتى داۋىلدىڭ سالدارىنان قايتىس بولدى، دەپ حابارلايدى “ادىرنا” ۇلتتىق پورتالى.
"2022 جىلعى 9 تامىزدا ساعات 20:55 شاماسىندا قاتتى داۋىل كوتەرىلىپ، جەل سالدارىنان ساربازدار ورنالاسقان شاتىر قالاشىعى بۇلىنە باستاعان. قاتارداعى ا.ن. شاحيموۆ ارىپتەستەرىنىڭ قاۋىپسىز ورىنعا شىعۋىنا كومەكتەسىپ ءجۇرىپ شاتىردان سوڭعى بولىپ شىققان كەزدە، شاتىردىڭ تەمىر جاقتاۋى باسىنا ءتيىپ جاراقات العان. قاتارداعى ا.ن. شاحيموۆقا جەدەل مەديتسينالىق كومەك كورسەتىلىپ، سانيتارلىق كولىكپەن قوناەۆ قالاسىنداعى قالالىق اۋرۋحاناعا جەتكىزىلگەن. قالالىق اۋرۋحانا دارىگەرلەرى ساربازدىڭ قازا بولعانىن راستايدى. قاتارداعى ا.ن. شاحيموۆ ءوزىنىڭ جانقيارلىق ارەكەتىمەن جولداستارىن قۇتقارىپ، وكىنىشكە قاراي ءوزى قاتتى سوققىدان قازا بولدى", - دەلىنگەن حابارلامادا.سارباز 2022 جىلدىڭ كوكتەمىندە اسكەري بورىشىن وتەۋ ءۇشىن كوكشەتاۋ قالالىق قورعانىس ىستەرى جونىندەگى دەپارتامەنتىمەن شاقىرىلعان.
ادىرنا” ۇلتتىق پورتالى
ۇقساس جاڭالىقتار
