پرەزيدەنت سايلاۋى: ەلىمىزگە كەلەتىن بايقاۋشىلاردىڭ سانى 200-دەن استى

1534
Adyrna.kz Telegram
ورتالىق سايلاۋ كوميسسياسى تاعى 123 بايقاۋشىنى اككرەديتتەدى

ورتالىق سايلاۋ كوميسسياسى حالىقارالىق ۇيىمدار مەن شەت ەلدەردىڭ بايقاۋشىلارىن اككرەديتتەۋ ماسەلەسىن قارادى، دەپ حابارلايدى Sputnik قازاقستان تىلشىسى.

كوميسسيا مۇشەسى زاۋرەش بايمولدينانىڭ ايتۋىنشا، وسى ۋاقىتقا دەيىن 125 بايقاۋشى اككرەديتاتسيادان وتكەن بولاتىن. سونىڭ ىشىندە 109 ادام تمد مەن تمد پارلامەنتارالىق اسسامبلەياسىنان، ەقىۇ دەموكراتيالىق ينستيتۋتتار جانە ادام قۇقىقتارى بيۋروسىنان، سونداي-اق، يسلام ىنتىماقتاستىعى ۇيىمىنىڭ اتىنان كەلەدى. قالعان 16 بايقاۋشى – ارمەنيا، گرۋزيا، بولگاريا، مالايزيا، مولدوۆا، لاتۆيا، رەسەي مەن تۇركيانىڭ سايلاۋ ورگاندارىنىڭ وكىلدەرى.

"سىرتقى ىستەر مينيسترلىگىنەن تاعى بىرقاتار ميسسيالاردىڭ بايقاۋشىلارىن اككرەديتتەۋگە ۇسىنىستار كەلىپ ءتۇستى. ونىڭ ىشىندە 63 بايقاۋشى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ پارلامەنتارالىق اسسامبلەياسىنان، 24 بايقاۋشى شانحاي ىنتىماقتاستىعى ۇيىمىنان، 19 بايقاۋشى تمد ەلدەرىنەن جانە 10 بايقاۋشى تۇركىتىلدەس ەلدەردىڭ پارلامەنتارالىق اسسامبلەياسىنان كەلەدى. سونادي-اق، ازەربايجان، بەلارۋس، لاتۆيا جانە موڭعوليادان 7 بايقاۋشى ۇسىنىلىپ وتىر", - دەدى بايمولدينا.

وسىلايشا، بۇگىنگى وتىرىستا تاعى 123 بايقاۋشىنى اككرەديتتەۋ ماسەلەسى قارالدى. كوميسسيا مۇشەلەرى قاۋلىنى ءبىراۋىزدان قولدادى. بۇعان دەيىن اككرەديتاتسيا العانداردى ساناعاندا بايقاۋشىلاردىڭ جالپى سانى 248-گە جەتتى. ۇسىنىستاردىڭ تۇسۋىنە قاراي اتالعان ءتىزىم 3 ماۋسىمعا دەيىن جاڭارتىلاتىن بولادى.

پرەزيدەنت سايلاۋى

9 ماۋسىمدا وتەتىن پرەزيدەنت سايلاۋىنا 12 067 475 بيۋللەتەن دايىندالادى.

كانديداتتار سايلاۋ بيۋللەتەنىنە مەملەكەتتىك ءتىلدىڭ الىپبيلىك تارتىبىمەن تەگى، اتى، اكەسىنىڭ اتى كورسەتىلە وتىرىپ ەنگىزىلەدى. وسىعان سايكەس، كانديداتتار بيۋللەتەندە مىناداي تارتىپپەن كورسەتىلەدى:

  • احمەتبەكوۆ جامبىل ءاۋجانۇلى;
  • ەسپاەۆا دانيا ماديقىزى;
  • قوسانوۆ ءامىرجان ساعيدراحمانۇلى;
  • راقىمبەكوۆ تولەۋتاي ساتايۇلى;
  • تاسپيحوۆ امانگەلدى ساتىبالدىۇلى;
  • توقاەۆ قاسىم-جومارت كەمەلۇلى;
  • تۇگەل ءسادى-بەك.

 

پىكىرلەر