قاراعاندى وبلىسىندا «تازا قازاقستان» ەكولوگيالىق باعدارلاماسىن ىسكە اسىرۋ جالعاسۋدا. قالالىق اكىمدىكتىڭ قولداۋىمەن قاراعاندى جاستار رەسۋرستىق ورتالىعىنىڭ كوميۋنيتي- ورتالىعىندا تابيعات جانە ەكولوگيا ماسەلەلەرىنە ارنالعان «تابيعاتتى ايالا» كەزدەسۋى ءوتتى. ول 30-عا جۋىق قاتىسۋشىنى، سونىڭ ىشىندە ستۋدەنتتەر، بەلسەندىلەر، ەكولوگيالىق ۇيىمداردىڭ وكىلدەرى جانە پلانەتامىزدىڭ بولاشاعىنا نەمقۇرايلى قارامايتىن جانداردىڭ باسىن قوسادى.
سپيكەرلەر وزەكتى ەكولوگيالىق پروبلەمالاردى، ادام قىزمەتىنىڭ تابيعاتقا اسەرىن، قورشاعان ورتانى قورعاۋ جونىندەگى زاماناۋي باستامالاردى قوزعادى، سونداي-اق جاستاردىڭ وسى پروتسەستەردەگى ءرولى تۋرالى ايتتى.
قالالىق ءماسليحات دەپۋتاتى جانە ەكوبەلسەندى ۆاسيلي كليماكوۆ ەكولوگيا سالاسىنداعى مەملەكەتتىك باستامالار، تابيعاتتى قورعاۋ شارالارى جانە ەكولوگيالىق پروبلەمالاردى شەشۋگە قوعامدىق قاتىسۋ مۇمكىندىكتەرى تۋرالى ايتىپ بەردى.
بيولوگ-وقىتۋشى دەنيس سيرمان كليماتتىق وزگەرىستەرگە جانە تابيعي رەسۋرستاردى تۇراقتى پايدالانۋدىڭ ماڭىزدىلىعىنا عىلىمي كوزقاراسىمەن ءبولىستى.
بولاشاق ەكولوگ ءمادينا اسەتقىزى ەرىكتىلەر قوزعالىسى، جاستاردىڭ ەكواكتسيالارعا قاتىسۋى جانە ءبىزدىڭ ارقايسىمىز ەكولوگيالىق جاعدايدى جاقسارتۋعا قالاي كومەكتەسەتىنىمىز تۋرالى ايتىپ بەردى.
كەزدەسۋ جاھاندىق ەكولوگيالىق ماسەلەلەردى تالقىلاۋ ءۇشىن عانا ەمەس، سونىمەن قاتار يدەيالار الماسۋ الاڭىنا اينالدى. قاتىسۋشىلار ساراپشىلارعا سۇراقتار قويىپ، ءوز ۇسىنىستارىمەن ءبولىستى جانە تابيعاتتى قورعاۋ بويىنشا بىرلەسكەن جوبالار ازىرلەدى.
جاستار قورشاعان ورتانى قورعاۋ ءۇشىن قابىلداي الاتىن پراكتيكالىق قادامدارعا ەرەكشە نازار اۋدارىلدى. وندا بارلىق نيەت بىلدىرۋشىلەر قاتىسا الاتىن ناقتى ەكولوگيالىق اكتسيالار تالقىلاندى.
