قاراعاندى وبلىسىنداعى كوستەنكو شاحتاسىندا ورىن العان اپاتتان قازا تاپقان 28 كەنشىنىڭ دەنەسى تابىلدى. بۇل تۋرالى قر تجم ءباسپاسوز قىزمەتى ءمالىم ەتتى، دەپ حابارلايدى «ادىرنا» ۇلتتىق پورتالى.
«ارسەلورميتتال تەمىرتاۋ» اق كومىر دەپارتامەرتىنىڭ كوستەنكو اتىنداعى شاحتاداعى اۆاريالىق-قۇتقارۋ جۇمىستارىنا «كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى» جشس قاراعاندى فيليالىنىڭ 55 ادامى مەن 12 تەحنيكاسى جۇمىلدىرىلدى.
«جۇمىستار ەكى ءوندىرۋ ۋچاسكەسى اۋدانىندا جۇرگىزىلۋدە. كورىنەتىن جانۋ وشاقتارى جوق. گاز جاعدايىن باقىلاۋ، سىنامالاردى الۋ، سونداي-اق تابىلعان قازا تاپقانداردى شىعارۋ جۇمىستارى جۇرگىزىلۋدە. كەيبىر جەرلەردە كومىرتەگى توتىعىنىڭ رۇقسات ەتىلگەن كونتسەنتراتسياسىنان اسىپ كەتۋى بايقالادى. قازىرگى ۋاقىتتا 28 ادامنىڭ دەنەسى تابىلدى، 18 كەنشى ىزدەستىرىلۋدە»، - دەلىنگەن حابارلامادا.
ايتالىق، 1995-2023 جىلدار ارالىعىندا امت وبەكتىلەرىندە قازا تاپقاندار سانى 169 ادامدى قۇراعان.
«ادىرنا» ۇلتتىق پورتالى
