اياگوز قالاسىندا جەكە ۇيلەردەن ءورت شىعىپ، ءتورت بالاسىنان ايىرىلىپ، قان جۇتىپ وتىرعان اتا-انا 2019 جىلى 1-2 توقسا عانا اتاۋلى الەۋمەتتىك كومەك (ااك) العان. سوسىن قولدارىڭدا مال بار دەپ، ااك-دەن ء"وز ەركىممەن باس تارتامىن" دەپ جازعىزىپ العان. بۇل تۋرالى Ongar_online تەلەگرام ارناسى جاريالادى، دەپ حابارلايدى “ادىرنا” ۇلتتىق پورتالى.
“ءبىر كۇندە ءتورت بالاسىنان ايىرىلعان اكە-شەشەسى ەسسىز، تالىپ جاتىر. اكەسى اياگوزدەگى "قازىعۇل" جەكەمەنشىك اۋرۋحاناسىندا جەدەل جاردەم كولىگىندە شوپىر بولىپ قىزمەت ىستەيدى. الاتىن ايلىعى - 120 مىڭ تەڭگە
شەشەسى - جۇمىسسىز. 2019 جىلى 1-2 توقسان عانا اسپ العان. سوسىن قولدارىڭدا مال بار دەپ، اسپ دان ء"وز ەركىممەن باس تارتامىن" دەپ جازعىزىپ العان. 2019 جىلدان بەرى اسپ المايدى. اسپ المايتىن سەبەپتى شەشەسى سيىر ساۋىپ، بازارعا ءسۇتىن ساتىپ وتىرعان. ءتورت بالانىڭ بىرەۋى مۇگەدەك بولىپتى دەپ جاتىر. اقپارات ناقتىلاۋدى قاجەت ەتەدى”، دەپ جازىلعان.
ايتا كەتەيىك، 25 قازان كۇنى ساعات 11 شاماسىندا اباي وبلىسى اياگوز قالاسىنداعى جەكە ۇيلەردىڭ بىرىندە ءورت شىعىپ، ءبىر ءۇيدىڭ 4 بالاسى قازا تاپقان. 8 جاسار ەگىزدەر مەن ولاردىڭ 3 جانە 2 جاستاعى ىنىلەرى كومىرقىشقىل گازىنان ۋلانىپ قايتىس بولعانى ايتىلعان بولاتىن.
