نازارباەۆتىڭ سوزىنشە، سايلاۋعا ءتۇسىپ جاتقان جەتى كانديداتقا بىردەي جاعداي جاسالعان.
جيىندا قازاقستاننىڭ ءبىرىنشى پرەزيدەنتى ينفراقۇرىلىمدى دامىتۋ، ايماقتاردا تۇرعىن ءۇي سالۋ، تۇرمىسى تومەن وتباسىلارعا كومەكتەسۋ، جاڭا جۇمىس ورىندارىن اشۋ جونىندە تاعى ايتتى.
– قازاقستاندا جۇمىسسىزدىق دەگەن ماسەلە جوق، كاسىپتىڭ تاپشىلىعى بار. سول سەبەپتى قاجەتتى ماماندىقتاردى تەگىن وقىتاتىن باعدارلاما ازىرلەنگەن بولاتىن. ءبىز جاستار ءۇشىن بارلىق جاعداي مەن مۇمكىندىك جاسادىق، – دەدى نازارباەۆ.
قازاقستاندا كەزەكتەن تىس پرەزيدەنت سايلاۋى 9 ماۋسىمدا وتەدى. بۇل جولعى سايلاۋ ەلدى وتىز جىلعا جۋىق باسقارىپ، بيىل ناۋرىزدا قازاقستان پرەزيدەنتى قىزمەتىنەن كەتكەن نۇرسۇلتان نازارباەۆتىڭ قاتىسۋىنسىز وتكەلى وتىر. وتكەن اپتادا ورتالىق سايلاۋ كوميسسياسى جەتى ادامدى پرەزيدەنتتىككە كانديدات رەتىندە تىركەگەن:
- ءسادى-بەك تۇگەل - "ۇلى دالا قىراندارى" رەسپۋبليكالىق قوزعالىسى;
- قازىرگى پرەزيدەنت قاسىم-جومارت توقاەۆ - "نۇر وتان" پارتياسى;
- امانگەلدى تاسپيحوۆ - قازاقستان كاسىپوداقتار فەدەراتسياسى;
- دانيا ەسپاەۆا - "اق جول" پارتياسى،
- تولەۋتاي راحىمبەكوۆ - "اۋىل" پارتياسى;
- جامبىل احمەتبەكوۆ - "قازاقستان كومۋنيستىك حالىق پارتياسى";
- ءامىرجان قوسانوۆ - "ۇلت تاعدىرى" قوزعالىسى.
مامىردىڭ 11-ءى كۇنى باستالعان ەلدە سايلاۋ الدىنداعى ۇگىت-ناسيحات كەزەڭى باستالدى. ول ماۋسىمنىڭ 8-ىنە دەيىن سوزىلماق.
"ازاتتىق" راديوسى
