Nazarbaevtyń sózinshe, saılaýǵa túsip jatqan jeti kandıdatqa birdeı jaǵdaı jasalǵan.
Jıynda Qazaqstannyń birinshi prezıdenti ınfraqurylymdy damytý, aımaqtarda turǵyn úı salý, turmysy tómen otbasylarǵa kómektesý, jańa jumys oryndaryn ashý jóninde taǵy aıtty.
– Qazaqstanda jumyssyzdyq degen másele joq, kásiptiń tapshylyǵy bar. Sol sebepti qajetti mamandyqtardy tegin oqytatyn baǵdarlama ázirlengen bolatyn. Biz jastar úshin barlyq jaǵdaı men múmkindik jasadyq, – dedi Nazarbaev.
Qazaqstanda kezekten tys prezıdent saılaýy 9 maýsymda ótedi. Bul jolǵy saılaý eldi otyz jylǵa jýyq basqaryp, bıyl naýryzda Qazaqstan prezıdenti qyzmetinen ketken Nursultan Nazarbaevtyń qatysýynsyz ótkeli otyr. Ótken aptada Ortalyq saılaý komıssııasy jeti adamdy prezıdenttikke kandıdat retinde tirkegen:
- Sádi-Bek Túgel - "Uly dala qyrandary" respýblıkalyq qozǵalysy;
- qazirgi prezıdent Qasym-Jomart Toqaev - "Nur Otan" partııasy;
- Amangeldi Taspıhov - Qazaqstan kásipodaqtar federaııasy;
- Danııa Espaeva - "Aq jol" partııasy,
- Tóleýtaı Rahymbekov - "Aýyl" partııasy;
- Jambyl Ahmetbekov - "Qazaqstan komýnıstik halyq partııasy";
- Ámirjan Qosanov - "Ult taǵdyry" qozǵalysy.
Mamyrdyń 11-i kúni bastalǵan elde saılaý aldyndaǵy úgit-nasıhat kezeńi bastaldy. Ol maýsymnyń 8-ine deıin sozylmaq.
"Azattyq" radıosy
