ريددەر جەو-نىڭ بۇرىنعى باسشىلارى تەرگەۋگە الىندى. بۇل تۋرالى قارجىلىق مونيتورينگ اگەنتتىگى انىقتادى، دەپ حابارلايدى “ادىرنا” ۇلتتىق پورتالى.
ريددەر جەو-نىڭ بۇرىنعى باسشىلىعىنىڭ قازاندىقتاردى كۇردەلى جوندەۋگە بولىنگەن اقشانى جىمقىرعان.قازىرگى كەزدە الاياقتىق فاكتىسى بويىنشا قىلمىستىق ءىس قوزعالىپ، ريددەر جەو-نىڭ بۇرىنعى باسشىلارى تەرگەۋگە الىندى. ولار الداۋ جانە سەنىمدى تەرىس پايدالانۋ ارقىلى بوتەننىڭ مۇلكىن جىمقىرعان. وسىلايشا مەملەكەتكە اسا ءىرى كولەمدە - 4,1 ملرد تەڭگەگە زالال كەلتىرگەنى ءۇشىپ ايىپتالىپ وتىر.
تەرگەۋ ماتەريالدارىنا سايكەس، جوندەۋ جۇمىستارىنا ارنالعان قاراجات جۇيەلى تۇردە ۇرلانعان. سونىڭ سالدارىنان جەو جابدىقتارى توزىپ، جىلۋ ەنەرگياسىن بەرۋ جۇيەسى بىرنەشە رەت ىستەن شىقتى.
2018-2022 جىلدار ارالىعىندا ريددەر جەو-نىڭ بۇرىنعى لاۋازىمدى تۇلعالارى عىلىمي-تەحنيكالىق قىزمەت كورسەتۋ، قازاندىقتارعا، جىلۋ جەلىلەرىنە جانە تۋربوگەنەراتورلارعا كۇردەلى جوندەۋ جۇمىستارىن جۇرگىزۋ ءۇشىن كاسىپورىندارمەن جالعان كەلىسىمشارتتار جاساپ، ۋاكىلەتتى ورگانعا جالعان ەسەپتەر ۇسىنعان، - دەلىنگەن رەسمي حابارلامادا.
تەرگەۋ بارىسىندا ريددەر قالاسىنداعى جىلۋ ەنەرگياسىن ءوندىرۋ ستانتسياسىن مەملەكەت مەنشىگىنە بەرۋدەن كەلگەن شىعىن وتەلدى. ونىڭ كولەمى شامامەن 5,5 ملرد تەڭگەنى قۇرايدى.
