شىعىس قازاقستان وبلىسىنىڭ اكىمى دانيال احمەتوۆ سەمەي قالاسىنا جۇمىس ساپارى بارىسىندا بىرقاتار مادەني نىسانداردى ارالادى. ف.دوستوەۆسكي مۇراجايىندا بولعان ءوڭىر باسشىسى تاريحي عيماراتتىڭ اۋماعىن ارالاپ، "پريرتىشە" ولكەتانۋ قوعامىنىڭ توراعاسى مارات ساسانوۆپەن اڭگىمەلەستى.
- سەمەي - ەرەكشە قالا، - دەدى د. احمەتوۆ. - قالادا ءوزىنىڭ تاريحي ەرەكشەلىگى بولۋى قاجەت. مەملەكەت پەن مەملەكەتكە تيەسىلى نىساندار بويىنشا تەكسەرۋ جۇرگىزۋ كەرەك. جەكە مەنشىك سەكتورعا ازىرگە تيىسپەيمىز. ءبىز سەمەيدى اباتتاندىرۋ كەزەڭىنەن وتتىك، ەندى مەن تاريحي عيماراتتارعا بەت بۇرىپ، ەسكەرتكىشتەردى ساقتاۋ جونىندە باعدارلاما ەنگىزدىم. بىزگە جاڭا زامانمەن قاتار وتكەن جۇزجىلدىقتان ەستەلىك بولاتىنداي نىساندار قاجەت. ، - دەپ قورىتتى وبلىس اكىمى.
د. احمەتوۆ سونداي-اق نەۆزوروۆتار وتباسى اتىنداعى بەينەلەۋ ونەرى مۇراجايىندا بولىپ، دارىندى بالالارعا ارنالعان وبلىستىق بالەت مەكتەبىنىڭ جۇمىسىمەن تانىستى.
