اۋىل پارتياسىنان پرەزيدەنتتىككە ۇمىتكەر بولعان تولەۋتاي راحىمبەكوۆتى قىزى ايبوتا سوتقا بەرمەك، دەپ حابارلايدى "ادىرنا" ءتىلشىسى. بۇل تۋرالى ايبوتا راحىمبەكوۆا الەۋمەتتىك جەلىدە جازبا جاريالادى.
«اۋىل» پارتياسى توراعاسىنىڭ ءبىرىنشى ورىنباسارى تولەۋتاي راحىمبەكوۆ 2019 جىلى قر پرەزيدەنتتىگىنە كانديدات بولعان. ونىڭ وگەي قىزى پرەزيدەنتتەن كومەك سۇرايدى.
- قۇرمەتتى قازاق ەلى، پرەزيدەنت مىرزا جانە انامنىڭ تۋىستارى! وسىلاي اقتارىپ سالعانىم ءۇشىن سىزدەردەن كەشىرىم سۇرايمىن. بىراق مەنىڭ باسقا امالىم قالمادى. ىشىمدەگى 8 ايلىق بالامەن، تولەۋتاي راحىمبەكوۆ مەنى دالادا قالدىردى. انام مارقۇمنان قالعان بۇكىل دۇنيەنىڭ (مۇراگەرلىك ۇلەسىمدى) بارلىعىن مەنى الداپ-ارباپ تارتىپ الدى. ماعان كومەكتەسىڭىزدەر، اعايىن، جۋرناليستەر، قوعام بەلسەندىلەرى، قوعامدىق ۇيىمدار جانە پرەزيدەنت مىرزا! - دەيدى بەينە-ۇندەۋدە ايبوتا راحىمبەكوۆا.
ايبوتا راحىمبەكوۆا ەكس-كانديدات تولەۋتاي راحىمبەكوۆتىڭ تۋعان قىزى ەمەس. ول ونىڭ مارقۇم ايەلى، قوعام بەلسەندىسى سالتانات راحىمبەكوۆانىڭ قىزى. اناسى قايتىس بولعاننان سوڭ ول جەتى جىل بويى تۋىستارىمەن تۇرعان.
- ول 7 جىل بويى بىزبەن بىرگە تۇرمادى. 2015-2020 جىلدار ارالىعىندا ەم قابىلدادى. بۇنىڭ بارلىعىن قۇجات جۇزىندە راسىمدەلگەن. ول ءار كەزدە تۇتىنۋ ءۇشىن اقشا سۇرايدى. مەن وعان سۇراعانىن بەرمەدىم. ەندى نە ىستەۋ كەرەك؟ ەسىرتكى مەن الكوگولگە تاۋەلدى بولعان ادامنىڭ سوزىنە سەنۋگە بولا ما؟ كەزىندە ونى اسىراپ الۋعا كەلىسىم بەرگەنىم اقىماقتىق بولدى، - دەيدى ەكس-پرەزيدەنتتىككە ۇمىتكەر تولەۋتاي راحىمبەكوۆ.
ساياساتكەر داۋلى ءىستىڭ ارتىندا ايبوتانىڭ جاقىن تۋىستارى تۇرعانىن ايتادى. بىلتىر، 13 جەلتوقساندا سايلاۋ الدىندا دا وسىنداي ۆيدەو تاراعان بولاتىن. دەپۋتات قۇجاتتا بەكىتىلگەندىكتەن مۇنداي ارەكەتتەردەن قورىقپايتىنىن ايتادى.
"سايلاۋ الدىنداعى ۇگىت-ناسيحات جۇمىستارىنىڭ الدىندا ماعان قارسى توپتىڭ بارى ايتىلدى. قۇدايعا شۇكىر، ادامدار مەنى جانە وتباسىم تۋرالى بىلەدى، - دەيدى راحىمبەكوۆ.
تولەۋتاي راحىمبەكوۆ 2019 جىلى «اۋىل» حالىقتىق-دەموكراتيالىق پاتريوتتىق پارتياسىنان پرەزيدەنتتىككە سايلاۋعا ءتۇسىپ، 3,04% داۋىس جيناعان بولاتىن.
ايتا كەتسەك، بۇل ۆيدەونىڭ قازاقشا ۇندەۋى بۇرىن بولماعان. قازاقشا ۆيدەودا زورلاۋ تۋرالى ايتىلماعان. بىلتىرعى ءىس سوتقا دەيىن جەتكە. الايدا ءىستىڭ سوڭى قالاي بىتكەنى بەلگىسىز.
