Aýyl partııasynan Prezıdenttikke úmitker bolǵan Tóleýtaı Rahymbekovti qyzy Aıbota sotqa bermek, dep habarlaıdy "Adyrna" tilshisi. Bul týraly Aıbota Rahymbekova áleýmettik jelide jazba jarııalady.
«Aýyl» partııasy tóraǵasynyń birinshi orynbasary Tóleýtaı Rahymbekov 2019 jyly QR prezıdenttigine kandıdat bolǵan. Onyń ógeı qyzy Prezıdentten kómek suraıdy.
- Qurmetti Qazaq eli, Prezıdent myrza jáne anamnyń týystary! Osylaı aqtaryp salǵanym úshin sizderden keshirim suraımyn. Biraq meniń basqa amalym qalmady. Ishimdegi 8 aılyq balamen, Tóleýtaı Rahymbekov meni dalada qaldyrdy. Anam marqumnan qalǵan búkil dúnıeniń (muragerlik úlesimdi) barlyǵyn meni aldap-arbap tartyp aldy. Maǵan kómektesińizder, aǵaıyn, jýrnalıster, qoǵam belsendileri, qoǵamdyq uıymdar jáne Prezıdent myrza! - deıdi beıne-úndeýde Aıbota Rahymbekova.
Aıbota Rahymbekova eks-kandıdat Tóleýtaı Rahymbekovtiń týǵan qyzy emes. Ol onyń marqum áıeli, qoǵam belsendisi Saltanat Rahymbekovanyń qyzy. Anasy qaıtys bolǵannan soń ol jeti jyl boıy týystarymen turǵan.
- Ol 7 jyl boıy bizben birge turmady. 2015-2020 jyldar aralyǵynda em qabyldady. Bunyń barlyǵyn qujat júzinde rásimdelgen. Ol ár kezde tutyný úshin aqsha suraıdy. Men oǵan suraǵanyn bermedim. Endi ne isteý kerek? Esirtki men alkogolge táýeldi bolǵan adamnyń sózine senýge bola ma? Kezinde ony asyrap alýǵa kelisim bergenim aqymaqtyq boldy, - deıdi eks-prezıdenttikke úmitker Tóleýtaı Rahymbekov.
Saıasatker daýly istiń artynda Aıbotanyń jaqyn týystary turǵanyn aıtady. Byltyr, 13 jeltoqsanda saılaý aldynda da osyndaı vıdeo taraǵan bolatyn. Depýtat qujatta bekitilgendikten mundaı áreketterden qoryqpaıtynyn aıtady.
"Saılaý aldyndaǵy úgit-nasıhat jumystarynyń aldynda maǵan qarsy toptyń bary aıtyldy. Qudaıǵa shúkir, adamdar meni jáne otbasym týraly biledi, - deıdi Rahymbekov.
Tóleýtaı Rahymbekov 2019 jyly «Aýyl» halyqtyq-demokratııalyq patrıottyq partııasynan Prezıdenttikke saılaýǵa túsip, 3,04% daýys jınaǵan bolatyn.
Aıta ketsek, bul vıdeonyń qazaqsha úndeýi buryn bolmaǵan. Qazaqsha vıdeoda zorlaý týraly aıtylmaǵan. Byltyrǵy is sotqa deıin jetke. Alaıda istiń sońy qalaı bitkeni belgisiz.
