Eks-prezident N.Ä.Nazarbaev turaly söz bolǧanda memleket jäne qoǧam qairatkerı, professor M.Joldasbekov oǧan «jany aşitynyn» Aiqyn iutub arnasyna bergen sūhbatynda aitty. Sol sūhbattyŋ üzındısı äleumettık jelıde tarady, dep habarlaidy «Adyrna» ūlttyq portaly.
«Bızdı balapandai baptap, qyzǧyştai qoryp kele jatqan kemeŋger qairatkersız. Sız bızge Allanyŋ bergen syiysyz. Arǧy-bergı zamanda qazaqtyŋ basynda mūndai baq qonǧan joq. Mūndai däurendı qazaq basynan keşken joq. Ūlan baitaq dalasy bar, Astanadai qalasy bar, Nūrsūltandai danasy bar Qazaqstan jasai bersın!» dep eks prezidenttıŋ maqtauyn asyryp jüretın M.Joldasbekūly oǧan «janym aşidy» deidı.«Älbette, bır jaǧynan janyŋ aşidy Nazarbaevqa. Sonşa närse ıstep, bır närsege aqyly jetpegen. «Dünie degen sary altyn, talailardy aldaǧan» dep Töle bi babamyz aitqandai, sonyŋ bärın bıle tūryp ıstegenıne taŋǧalam. Bır jolyǧyp, anda-sanda äŋgımelesıp qoiuşy edık. Bır joly äŋgımelestık Türkmeniiaǧa baryp kele jatqanda. Men qyzmettemın. Baryp keldım, araladym, bärın körsettı saparymda dep. Bärı deidı qarasaŋ, bıreuı äkesınıŋ atynda, bıreuı şeşesınıŋ atynda, bıreuı özınıŋ atynda. Tügel özderınıŋ attaryna köşırıptı deidı. Sosyn ekeumız şai ışıp otqanda aittym deidı «saǧan onyŋ ne keregı bar» dep. «Joq, Nūrsūltan, maǧan mūnyŋ eşteŋesı kerek joq. Türkmenderge Qūdai kerek. Men qazır olardyŋ Qūdaiymyn. Men ölgennen keiın ne bolsa, o bolsyn» deptı. Al endı osyny aitqannan keiın, Nazarbaevqa aityp otyryp, özı osydan sabaq almaǧanyna qairan qalam da. Keiın prezident bop sailandy. Sailanǧannan keiın keide bızge aitady, "bylai qarap otyryŋdar, artyq qimyl jasap jürgenım joq pa" degen siiaqty. Būryn bır-ekı «zamechanie» jasaǧam. Ol endı qūpiia. Men ony aşa almaimyn. Sosyn bır künı bır jiynǧa bardyq. Būl kısı törde otyr ǧoi jalǧyz özı. Anaǧan da köz qysady, mynaǧan da köz qysady. Bır künı kırıp aittym. Sız jūrtqa bärıne bırdei prezidentsız ǧoi. Sonyŋ ışınde tanysyŋyz bolsa da otyru kerek qoi şydap. Anaǧan da köz qysasyz, mynaǧan da köz qysasyz. Prezidentke jaraspaidy dedım. Qyzaraŋdap kettı. Sosyn oiladym. «Jokeŋnıŋ balasy artyŋdy qys. Onyŋ arty nasyrǧa şappai tūrǧanda» dep. Sonda aitqan sözım ǧoi būl», - dep atap öttı qairatker.«Taqtan taiǧan adamnyŋ baǧy taiady». Bügıngı tūŋǧyş Prezidentımız osynyŋ kebın kiıp jürgen joq pa? degen saualǧa Joldasbekūly:
«Däl solai. Jalpy, qai elde de sol boldy. Mäselen, kezınde Jambyldy synady jūrt. Nesın synady? "Stalindı maqtady, Partiiany maqtady" dep. Stalindı maqtamaǧan, partiiany maqtamaǧan sol kezde tırı jürgen adam bar ma eken. Bärı maqtady japa-tarmaǧai. Qolyna qalam ūstaǧannyŋ bärı maqtap jazdy. Sol siiaqty bilıkte jürgen kısınıŋ daŋqy bolady, ony qoldaidy bärı. Al endı bilıkten ketkennen keiın, būl endı bızdıŋ elge tän be dep oilaimyn. Būl sol adamdardyŋ özderıne bailanysty. Mynau şet elde prezident bolǧandardyŋ qūdaiǧa täuba, aiaq asty bolyp jatqandary joq qoi. Solardyŋ boiynda tazalyq bop tūr ǧoi. Memlekettıŋ mülkıne qol sūqpai. Mynau keşe Germaniianyŋ kanslerı köpşılık tūratyn köpqabatty üide tūrypty ǧoi. Al bızde sol joq. Bız kelsek jaiqalyp jüruımız kerek. Eldı ūmytyp ketemız. Sosyn qyzmetten ketkennen keiın amaldyŋ joǧynan syilaidy. Bilıkten ketkennen keiın dalada qalady», - dedı Myrzatai Joldasbekov.
Posmotret etu publikasiiu v Instagram
«Adyrna» ūlttyq portaly
Ūqsas jaŋalyqtar
