Jambyl oblysy Baizaq audanyndaǧy äskeri qoimada bolǧan joiqyn jarylysqa qatysty sot ükım şyqty, dep habarlaidy «Adyrna» ūlttyq portaly.
Sot ükımımen 20 jastaǧy ekı sarbaz kınälı dep tanyldy. Olar 9 jylǧa bas bostandyǧynan aiyrylyp, 24 milliard 583 million teŋge şyǧyndy öteuge mındetteldı. Tergeu mälımetı boiynşa, sarbazdar oq-därı qoimasyna janyp jatqan şüberektı laqtyrǧan. Alaida sarbazdar öz kınälaryn moiyndamady. Sot būl ıske qatysy bar ekı ofiserdı aqtap şyqty. Būdan bölek, komandirdıŋ mındetın atqaruşy men onyŋ orynbasary qyzmettık mındetterıne salǧyrt qaraǧany üşın kınälı dep tanylǧan bolatyn. Bıraq olar qylmystyŋ eskıru merzımı ötıp ketkendıkten sot zalynan bosatyldy. Al sarbazdardyŋ advokaty «sotta keltırgen bırde-bır dälelımız nazarǧa alynbady» dep otyr. Äskeri boryşyn ötep bıtuıne bır ai ǧana qalǧan qos sarbaz üş qabat qorǧanyşy bar tas qamal qoimany būzyp, japyraqtai şüberekpen örtedı degen myiǧa qonymsyz dep otyr.«Olardan bırneşe ret jauap alyndy, bıraq sarbazdar eşteŋe bılmeitının jäne mūnyŋ qalai bolǧanyn körmegenın aitty. Jarylys aldynda olar özderıne bekıtılgen aumaqta jūmysty aiaqtap, qoima aimaǧynan şyǧyp, ashananyŋ janynda komandirdı kütıp tūrǧan. Sotta bız jıgıtterdıŋ kınäsızdıgın däleldedık. Eŋ bastysy, olarda eşqandai niet bolmaǧan, öitkenı olar bır aidan keiın jūmystan şyǧatynyn bıldı. Sonymen qatar olar qaitadan qyzmetke kırdı. Eger aiyptalǧan närsenı jasasa, olar mūny ıstei me? Kerısınşe qaşyp keter edı», - deidı Saǧadat Ämıre.
«Bız osy oqiǧaǧa Erbolat pen Äsettıŋ kınäsızdıgınıŋ tolyq dälelderın keltırdık, alaida sot bızdıŋ körsetkenımızdı elemedı. Bız ūsynǧan dälelder menıŋ qorǧauşylaryma qarsy tüsındırıldı. Bız şyǧarylǧan ükımmen kelıspeimız jäne ony apelliasiiaǧa beruge niettımız. Men jıgıttermen jäne olardyŋ otbasylarymen soŋyna deiın bolamyn. Men üşın būl abyroily ıs, - dedı Saǧadat Ämıre sot talqylauynyŋ qorytyndysy boiynşa.Eske salsaq, 2021 jyly tamyzda Jambyl oblysy Baizaq audanyndaǧy äskeri bölımşenıŋ qaru-jaraq qoimasy jarylyp, 18 ört söndıruşı men äskeri qyzmetker qaza tauyp, 80 jergılıktı tūrǧyn jaraqat aldy. Oqiǧa barysynda jaqyn maŋdaǧy eldı mekenderdegı üiler men käsıporyndardyna zaqym keldı.
«Adyrna» ūlttyq portaly
Ūqsas jaŋalyqtar
