Jambyl oblysy Baızaq aýdanyndaǵy áskerı qoımada bolǵan joıqyn jarylysqa qatysty sot úkim shyqty, dep habarlaıdy «Adyrna» ulttyq portaly.
Sot úkimimen 20 jastaǵy eki sarbaz kináli dep tanyldy. Olar 9 jylǵa bas bostandyǵynan aıyrylyp, 24 mıllıard 583 mıllıon teńge shyǵyndy óteýge mindetteldi.
Tergeý málimeti boıynsha, sarbazdar oq-dári qoımasyna janyp jatqan shúberekti laqtyrǵan. Alaıda sarbazdar óz kinálaryn moıyndamady.
Sot bul iske qatysy bar eki ofıerdi aqtap shyqty. Budan bólek, komandırdiń mindetin atqarýshy men onyń orynbasary qyzmettik mindetterine salǵyrt qaraǵany úshin kináli dep tanylǵan bolatyn. Biraq olar qylmystyń eskirý merzimi ótip ketkendikten sot zalynan bosatyldy.
Al sarbazdardyń advokaty «sotta keltirgen birde-bir dálelimiz nazarǵa alynbady» dep otyr. Áskerı boryshyn ótep bitýine bir aı ǵana qalǵan qos sarbaz úsh qabat qorǵanyshy bar tas qamal qoımany buzyp, japyraqtaı shúberekpen órtedi degen myıǵa qonymsyz dep otyr.
«Olardan birneshe ret jaýap alyndy, biraq sarbazdar eshteńe bilmeıtinin jáne munyń qalaı bolǵanyn kórmegenin aıtty. Jarylys aldynda olar ózderine bekitilgen aýmaqta jumysty aıaqtap, qoıma aımaǵynan shyǵyp, ashananyń janynda komandırdi kútip turǵan. Sotta biz jigitterdiń kinásizdigin dáleldedik. Eń bastysy, olarda eshqandaı nıet bolmaǵan, óıtkeni olar bir aıdan keıin jumystan shyǵatynyn bildi. Sonymen qatar olar qaıtadan qyzmetke kirdi. Eger aıyptalǵan nárseni jasasa, olar muny isteı me? Kerisinshe qashyp keter edi», - deıdi Saǵadat Ámire.
«Biz osy oqıǵaǵa Erbolat pen Ásettiń kinásizdiginiń tolyq dálelderin keltirdik, alaıda sot bizdiń kórsetkenimizdi elemedi. Biz usynǵan dálelder meniń qorǵaýshylaryma qarsy túsindirildi. Biz shyǵarylǵan úkimmen kelispeımiz jáne ony apellıaııaǵa berýge nıettimiz. Men jigittermen jáne olardyń otbasylarymen sońyna deıin bolamyn. Men úshin bul abyroıly is, - dedi Saǵadat Ámire sot talqylaýynyń qorytyndysy boıynsha.
Eske salsaq, 2021 jyly tamyzda Jambyl oblysy Baızaq aýdanyndaǵy áskerı bólimsheniń qarý-jaraq qoımasy jarylyp, 18 órt sóndirýshi men áskerı qyzmetker qaza taýyp, 80 jergilikti turǵyn jaraqat aldy. Oqıǵa barysynda jaqyn mańdaǵy eldi mekenderdegi úıler men kásiporyndardyna zaqym keldi.
«Adyrna» ulttyq portaly
