«قازگيدرومەت» دەمالىس كۇندەرىنە ارنالعان اۋا رايى بولجامىن ۇسىنىپ، كۇن رايىنىڭ سالقىندايتىنىن ايتتى، دەپ حابارلايدى «ادىرنا» ۇلتتىق پورتالى.
سينوپتيكتەر مالىمەتىنشە، سەنبى، جەكسەنبىدە قازاقستاندا كۇن ايتارلىقتاي سالقىنداي باستايدى.
«رەسپۋبليكانىڭ سينوپتيكالىق جاعدايىن سولتۇستىك اتلانتيكا تسيكلونى مەن سكانديناۆيالىق انتيتسيكلون قالىپتاستىرىپ، ءارتۇرلى فازالاردا جاۋىن-شاشىن تۋدىرادى جانە كۇندىزگى جىلىنۋدى شەكتەيدى. تەك ەلىمىزدىڭ وڭتۇستىگىندە جاڭبىر جاۋىپ، تاۋلى ايماقتاردا جاڭبىردىڭ سوڭى قارعا ۇلاسادى. ەلىمىزدىڭ سولتۇستىگىندە جانە ورتالىعىندا تۇندە -0-5 ۇسىك جۇرەدى، كۇندىز اۋا تەمپەراتۋراسى +2+12 گرادۋسقا دەيىن جوعارىلايدى. ال دۇيسەنبىدە تەرمومەتر -3 – + 5 گرادۋس كورسەتەدى. رەسپۋبليكانىڭ باتىسىندا، وڭتۇستىگىندە جانە شىعىسىندا سالىستىرمالى تۇردە جىلى كۇن رايى ساقتالادى»، - دەلىنگەن حابارلامادا.
«ادىرنا» ۇلتتىق پورتالى
