بالا قۇقىقتارى جونىندەگى ۋاكىل دينارا زاكيەۆا «111 — AMANAT» سەنىم تەلەفونى ارقىلى 1688 ءوتىنىش قابىلدانعانىن ايتتى، دەپ حابارلايدى «ادىرنا» ءتىلشىسى.
«111 – AMANAT» مەملەكەتتىك بايلانىس ورتالىعى / سەنىم تەلەفونى جۇمىسىنىڭ العاشقى 4 كۇنىندە الۋان ءتۇرلى ماسەلەگە بايلانىستى 1688 ءوتىنىش قابىلداندى: ەمدەۋ، ءبىلىم بەرۋ، جاردەماقى، زورلىق-زومبىلىق جانە قاتىگەزدىك، پسيحولوگ پەن زاڭگەردىڭ كومەگى. 533 ادام پسيحولوگيالىق كومەك الدى»،—دەدى ول.
ايتۋىنشا، بايلانىس ورتالىعى مەملەكەتتىك ورگاندارمەن، اكىمدىكتەرمەن، تەلەارنالارمەن بىرلەسىپ اقپاراتتىق جۇمىستى باستاپ كەتكەن.
«ەگەر ءسىز:
- قيىن ومىرلىك جاعدايعا تاپ بولعان، الەۋمەتتىك كومەك پەن مەملەكەتتىڭ قولداۋىنا مۇقتاج وتباسى، بالا;
- زورلىق-زومبىلىق، بۋللينگ فاكتىلەرى;
- بالانىڭ دەنساۋلىعى مەن ومىرىنە قاۋىپ توندىرەتىن جاعدايلار تۋرالى بىلسەڭىز، 111 نومىرىنە قوڭىراۋ شالىڭىز.جاقىن ارادا مەكتەپتەر مەن قوعامدىق ورىندارعا پلاكاتتار مەن باننەرلەر ىلىنەدى.
ورتالىق مەملەكەتتىك ورگاندارمەن بايلانىستا تاۋلىك بويى جۇمىس ىستەيدى. بارلىق ءوتىنىش قۇپيا ساقتالادى. قوڭىراۋ شالۋ تەگىن.
كومەك قازاقستان رەسپۋبليكاسىنىڭ زاڭناماسىنا سايكەس ۇيىمداستىرىلادى»،—دەپ ءتۇسىندىردى ۋاكىل.
ەسكە سالايىق، بۇعان دەيىن بالالار قۇقىعىن قورعايتىن «11 ءنومىرى شۇعىل بايلانىس قىزمەتتەرى تىزىمىنە قوسىلعانى بەلگىلى بولعان ەدى.
