16 قازاننان باستاپ تۇرمىستىق زورلىق-زومبىلىق پەن بۋللينگ قۇرباندارى بولعان قازاقستاندىقتار 111 بىرىڭعاي مەملەكەتتىك بايلانىس ورتالىعىنا حابارلاسا الادى. بۇل تۋرالى ۇكىمەتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بايلانس ورتالىعى تاۋلىك بويى جۇمىس ىستەيدى. قالالىق نومىرلەر مەن ۇيالى بايلانىس وپەراتورلارى ءۇشىن قوڭىراۋ شالۋ تەگىن. ازاماتتارعا قاجەتتى كومەك ماتىندىك ديالوگ ارقىلى دا كورسەتىلەتىن بولادى.
تۇرمىستىق زورلىق-زومبىلىق، بالالار مەن جاسوسپىرىمدەر اراسىنداعى بۋللينگ ماسەلەلەرى بويىنشا وتكەن كەڭەستە پرەمەر-ءمينيستردىڭ ورىنباسارى تامارا دۇيسەنوۆا بايلانىس ورتالىعىنا ۇلكەن جاۋاپكەرشىلىك جۇكتەلگەنىن اتاپ ءوتتى.
اتالعان شارالار ازاماتتار، اسىرەسە ايەلدەر مەن بالالار ءۇشىن قاۋىپسىز جاعداي جاساۋعا مۇمكىندىك بەرەدى. بايلانىس ورتالىعى مەملەكەتتىڭ ۋاقىتىلى كومەك كورسەتۋىنىڭ ءتيىمدى قۇرالىنا اينالادى، سونداي-اق وڭىرلەر بويىنشا اسا وتكىر پروبلەمالارعا مونيتورينگ جاساۋ ءۇشىن دەرەكتەر كوزى بولماق، — دەدى تامارا دۇيسەنوۆا.
سونداي-اق، قيىن جاعدايعا تاپ بولعان قازاقستاندىقتارعا كومەك كورسەتۋ ءۇشىن بىلىكتى پسيحولوگتار مەن زاڭگەرلەر تارتىلاتىنى دا ايتىلدى. ءاربىر جاعداي بويىنشا وپەراتورلار ء"دال وسى ساتتە" قاعيداتىن باسشىلىققا الا وتىرىپ، جەكەلەگەن ماسەلە بويىنشا كەشەندى كومەك كورسەتەتىن بولادى. بارلىق قاجەتتى مەملەكەتتىك ورگان مەن قىزمەتتى مىندەتتى كەرى بايلانىس ءتاسىلىن قولدانا وتىرىپ، ءبىر مەزگىلدە قوسۋ كوزدەلگەن.
بىرىڭعاي سەنىم تەلەفونى مەملەكەتتىك شۇعىل قىزمەتتەر تىزبەسىندەگى 101, 102, 103 جانە ت.ب. نومىرلەردىڭ قاتارىنا ەنگىزىلەدى.
