Bala qūqyqtary jönındegı uäkıl Dinara Zakieva «111 — AMANAT» senım telefony arqyly 1688 ötınış qabyldanǧanyn aitty, dep habarlaidy «Adyrna» tılşısı.
«111 – AMANAT» memlekettık bailanys ortalyǧy / senım telefony jūmysynyŋ alǧaşqy 4 künınde aluan türlı mäselege bailanysty 1688 ötınış qabyldandy: emdeu, bılım beru, järdemaqy, zorlyq-zombylyq jäne qatygezdık, psiholog pen zaŋgerdıŋ kömegı. 533 adam psihologiialyq kömek aldy»,—dedı ol.Aituynşa, bailanys ortalyǧy memlekettık organdarmen, äkımdıktermen, telearnalarmen bırlesıp aqparattyq jūmysty bastap ketken.
«Eger sız: - qiyn ömırlık jaǧdaiǧa tap bolǧan, äleumettık kömek pen memlekettıŋ qoldauyna mūqtaj otbasy, bala; - zorlyq-zombylyq, bulling faktılerı; - balanyŋ densaulyǧy men ömırıne qauıp töndıretın jaǧdailar turaly bılseŋız, 111 nömırıne qoŋyrau şalyŋyz. Jaqyn arada mektepter men qoǧamdyq oryndarǧa plakattar men bannerler ılınedı. Ortalyq memlekettık organdarmen bailanysta täulık boiy jūmys ısteidı. Barlyq ötınış qūpiia saqtalady. Qoŋyrau şalu tegın. Kömek Qazaqstan Respublikasynyŋ zaŋnamasyna säikes ūiymdastyrylady»,—dep tüsındırdı uäkıl.Eske salaiyq, būǧan deiın balalar qūqyǧyn qorǧaityn «11 nömırı şūǧyl bailanys qyzmetterı tızımıne qosylǧany belgılı bolǧan edı.
Ūqsas jaŋalyqtar
