17 قازاندا حەلسينكيدە قازاقستان قۇراماسى فۋتبولدان 2024 جىلعى ەۋروپا چەمپيوناتىنا ىرىكتەۋ ماتچىندا فينليانديامەن ويىندا جەڭىسكە جەتتى، دەپ حابارلايدى "ادىرنا" ۇلتتىق پورتالى.
ءبىرىنشى گولدى 28-مينۋتتا فين فۋتبولشىسى تەيلور روبەرت سوقتى. ول ايىپ دوبىن ورىنداپ، ەسەپ اشتى. ويىن تارتىستى ءوتتى. الايدا ءبىرىنشى تايم قازاقستاندىق كوماندانىڭ قارسىلاستارىنىڭ پايداسىنا اياقتالدى. ەكىنشى تايم تاعى دا فيندەردىڭ شابۋىلىمەن باستالدى. دەگەنمەن جارتىلاي قورعاۋشى باقتيار زاينۋتدينوۆ 77-مينۋتتا ەسەپتى تەڭەستىرىپ، پەنالتيدەن گول سوقتى.
ودان كەيىن 90-مينۋتتا زاينۋتدينوۆ قارسىلاستار قاقپاسىنىڭ الىس بۇرىشىن باسىمەن سوققى جاساپ، قازاقستاندىقتارعا تاعى ءبىر قۋانىش سىيلادى.
كەزدەسۋ 2:1 ەسەبىمەن ءبىزدىڭ قۇرامانىڭ پايداسىنا اياقتالدى.
قازاقستان قۇراماسىنىڭ ەۋرو-2024 ىرىكتەۋ كەزەڭىندە ەكى ويىنى بار: 17 قاراشا – سان-مارينومەن، 21 قاراشا – سلوۆەنيامەن.
