تالدىقورعان قالاسىنداعى نازارباەۆ زياتكەرلىك مەكتەبىنىڭ بازاسىندا ياندەكس باعدارلامالاۋ مەكتەبىنىڭ رەسمي اشىلۋى ءوتتى. كۋرس تىڭداۋشىلارىن اقپاراتتىق تەحنولوگيالار سالاسىنداعى ءىرى كومپانيالاردىڭ ءبىرىنىڭ وكىلدەرى رەسمي تۇردە قۇتتىقتادى.
20 مەكتەپ وقۋشىسى ءبىر جىل بويى باعدارلامالاۋدى تەگىن وقيتىن بولادى. باقىتتى جانداردىڭ ءبىرى – تالدىقورعان قالاسىنداعى زياتكەرلىك مەكتەبىنىڭ 9-سىنىپ وقۋشىسى بايتاس قۇرمانتاەۆ.
IT باعىتى مەن ءۇشىن ارقاشان قىزىقتى باعىتتاردىڭ ءبىرى. ياندەكستىڭ Python تىلىندە باعدارلامالاۋ نەگىزدەرى كۋرسى ماعان تاجىريبە، ءبىلىم جانە بولاشاقتا ازىرلەۋشى بولۋ جولىندا ىلگەرىلەۋشىلىك بەرەتىنى ءسوزسىز، — دەپ بايتاس ءوز پىكىرىن ءبىلدىردى.
قازاقستان رەسپۋبليكاسى بويىنشا GR Yandex كومپانياسىنىڭ باسشىسى سۇلتان بيجانوۆتىڭ ايتۋىنشا، ياندەكس ءبىلىم بەرۋ باستاماسى – بۇل تەحنولوگيانىڭ كومەگىمەن ەلدەگى ءبىلىم بەرۋ ورتاسىن جاقسارتۋ باعدارلاماسى بولىپ كەلەدى.
«Billing 360» سەرۆيسىنىڭ ازىرلەۋشىسى داستان يەمبەرگەن وقۋشىلارعا باعدارلامانى مەڭگەرۋگە كومەكتەسەدى. داستان تالدىقورعان نازارباەۆ زياتكەرلىك مەكتەبىنىڭ 2015 جىلعى تۇلەگى. بۇگىن ول ياندەكستىڭ تابىستى IT مامانى.
تۋعان جەرگە دارىندى وقۋشىلارعا تالىمگەر رەتىندە قايتا ورالعانىما قۋانىشتىمىن. مەن نازارباەۆ ۋنيۆەرسيتەتىندە ءۇشىنشى كۋرستا وقىپ جۇرگەنىمدە ياندەكس ليتسەيىندە ساباق بەرۋ تاجىريبەم بولدى. باعدارلامالاۋ كۋرسىنىڭ بيىل تالدىقورعاندا اشىلعانىنا وتە قۋانىشتىمىن»، - دەيدى داستان سۇحباتىندا.
كۋرس تۇلەكتەرى باعدارلامالاۋ مەكتەبىن اياقتاعاننان كەيىن ياندەكس ليتسەي-دە ونلاين فورماتتا ءارى قاراي ايتي-سالاسىندا وقۋىن جالعاستىرا الادى. وقۋشىلارعا Go نەمەسە ماماندانۋ: ويىنداردى ازىرلەۋ، دەرەكتەردى تالداۋ، ماشينالىق وقىتۋ نەمەسە Django-دا ۆەب-ازىرلەۋ بويىنشا جاڭا كۋرستارىن تاڭداۋعا مۇمكۇنشىلىك بەرىلەدى.