استانادا وتكەن ستاندارتتاۋ جونىندەگى كەڭەيتىلگەن عىلىمي-تەحنيكالىق كەڭەستە ۇلتتىق ستاندارتتار جوبالارى، ونىڭ ىشىندە دەڭگەيلەر بويىنشا قازاق ءتىلىن مەڭگەرۋگە ارنالعان كوممۋنيكاتيۆتى تىلدىك قۇزىرەتتىلىك جوباسى قارالدى. جوبا بويىنشا ەندى ەلىمىزدە كەيبىر سالا ماماندارى مەن ستۋدەنتتەرىنە قازاق ءتىلىن مەڭگەرۋ دەڭگەيىن انىقتاۋ بويىنشا تەستىلەۋ وتكىزىلمەك، دەپ حابارلايدى «ادىرنا» ۇلتتىق پورتالى Stan.kz سايتىنا سىلتەمە جاساپ.
ساۋدا جانە ينتەگراتسيا مينيسترلىگىنىڭ مالىمەتىنشە، مۇنداي ستاندارتتىڭ نەگىزگى ماقساتى – قازاق ءتىلىن مەڭگەرۋ دەڭگەيىن بەلگىلەۋ. كەيىن ۇلتتىق تەستىلەۋ ورتالىعى تەستىلەۋ جۇرگىزىپ، ءتيىستى سەرتيفيكاتتار بەرەدى. «قر-نىڭ ءتىل تۋرالى» زاڭنىڭ قابىلدانۋىمەن ازىرلەنگەن ستاندارتتار جۇمىستى ناقتى نورمالار مەن تالاپتارعا سايكەستەندىرەتىندىكتەن اسا قاجەت بولىپ وتىر»، - دەپ اتاپ ءوتتى ءماجىلىس دەپۋتاتى قازىبەك يسا. وسىلايشا، كەلەسى ساناتتار قازاقستاندا مىندەتتى تەستىلەۋدەن وتەدى:- ماگيستراتۋرا مەن دوكتورانتۋراعا تۇسەتىن ستۋدەنتتەر;
- مەملەكەتتىك اكىمشىلىك قىزمەتتىڭ «ا» كورپۋسىنىڭ كادر رەزەرۆىنە ەنگىزىلگەن قىزمەتكەرلەر;
- «بولاشاق» حالىقارالىق ستيپەندياسىنا ۇمىتكەرلەر;
- قر ۇلتتىق قاۋىپسىزدىك كوميتەتىنىڭ اكادەمياسىنا وقۋعا تۇسۋگە ۇمىتكەر ستۋدەنتتەر;
- نازارباەۆ زياتكەرلىك مەكتەبىنىڭ مۇعالىمدەرى
«ادىرنا» ۇلتتىق پورتالى
