ەلىمىزدىڭ قورعانىس سالاسى قارۋ-جاراقتى قاي مەملەكەتتەردەن ساتىپ الاتىنى بەلگىلى بولدى. بۇل تۋرالى قورعانىس ءمينيسترىنىڭ ورىنباسارى باقىتبەك سىدىقوۆ سەناتتىڭ جالپى وتىرىسىنان كەيىن كۋلۋاردا باق وكىلدەرىنە بەرگەن سۇحباتىندا مالىمدەدى، دەپ حابارلايدى “ادىرنا” ۇلتتىق پورتالى.
قورعانىس مينيسترلىگى باتىستىق ۇلگىدەگى زاماناۋي قارۋ-جاراقتى قولدانۋدى دا قاداعالاۋدا. بۇگىنگى تاڭدا اتالعان ۇلگىلەر قاراستىرىلىپ وتىرعان جوق، ويتكەنى ولار وتە قىمبات. ءبىز ۇنەمى باعا-ساپا تۇرعىسىندا مونيتورينگ جۇرگىزىپ وتىرامىز. ساپاسى مەن باعاسى جاعىنان ەشقانداي دا كەم تۇسپەيتىن سايكەس ۇلگىلەردى تاڭدايمىز، - دەپ جاۋاپ بەردى باقىتبەك سىدىقوۆ.
سونىمەن قاتار، قارۋ-جاراق قايدان اكەلىنەتىنى ايتىلدى.
قازىرگى تاڭدا رەسەيلىك جانە بەلورۋستىق ءونىمدى ساتىپ الۋ بويىنشا ەنگىزىلگەن سانكتسيالارمەن بايلانىستى ءبىز باسقا ەلدەردى قاراستىرامىز. ماسەلەن، تۇركيا، قىتاي، سەربيا ەلدەرى، - دەدى قورعانىس ءمينيسترىنىڭ ورىنباسارى.
