قىتاي بيلىگى تۇركيانى شىڭجاڭ-ۇيعىر اۆتونومياسىنداعى مۇسىلمان جاۋىنگەرلەرمەن كۇرەستە قولداۋعا شاقىردى. بۇعان ۇيعىرلاردىڭ قىتاي ساياساتىن سىناۋى سەبەپ بولدى، دەپ جازادى Stan.kz اقپارات اگەنتتىگى.
انكارا وكىلدەرىمەن وتكەن كەزدەسۋدە قحر-نىڭ سىرتقى ىستەر ءمينيسترى ۆان ي مىرزا تۇركيانىڭ ەگەمەندىكتى جانە ۇلتتىق قاۋىپسىزدىكتى نىعايتۋ جونىندەگى كۇش-جىگەرىن باعالايتىنىن جانە قولدايتىنىن اتاپ ءوتتى.
كەزدەسۋ بارىسىندا ديپلومات تۇركى مەملەكەتىن «شىعىس تۇركىستاننىڭ يسلام قوزعالىسىنا» قارسى كۇرەستە ستراتەگيالىق ىنتىماقتاستىق ورناتۋعا شاقىردى. بىراق، كوپتەگەن حالىقارالىق ساراپشىلار وسى توپتىڭ شىنىمەن دە تۇراقتى تۇردە جۇمىس ىستەيتىنىنە كۇمان كەلتىرەدى.
ايتا كەتسەك، 2017 جىلدان باستاپ باتىس ەلدەرى قىتايدى سۋار اۋماعىندا قايتا وقىتۋ لاگەرلەر جەلىسىن قۇرىپ جاتىر دەپ ايىپتاپ كەلەدى. بۇعان دەيىن ول لاگەرلەردە ميلليونداعان ۇيعىرلار مەن باسقا دا مۇسىلمان ەتنيكالىق توپتارىنىڭ وكىلدەرى جاتىر دەپ حابارلانعان بولاتىن.
ايتا كەتسەك، بۇعان دەيىن قىتايدا مەشىتتەردى بۇزىپ جاتقانىنىڭ تاعى ءبىر دالەلى كورسەتىلدى دەپ جازعان ەدىك.
