«اۋىلدىق جەرلەردەگى تىرەك مەكتەپتەرىنىڭ الەۋەتىن دامىتۋ» جوبا اياسىندا تالدىقورعانداعى NIS-تە اۋىل مەكتەپتەرىنىڭ اكىمشىلىك مۇشەلەرىنە ارنالعان ايماقتىق وقىتۋ سەمينارى ءوتتى.
بۇل سەمينارعا اقسۋ، سارقاند، كەربۇلاق، ەسكەلدى اۋداندارىنىڭ مەكتەپ ديرەكتورلارى قاتىستى.
سپيكەرلەر ساباقتى جوسپارلاۋ، ۇيىمداستىرۋ، نزم-دە وقىتۋدىڭ ەرەكشەلىكتەرى، باعالاۋ جۇيەسى، قوسىمشا ءبىلىم بەرۋ تاقىرىپتارىندا تىڭ تاجىريبەلەرىمەن ءبولىستى، سونىمەن قاتار اكىمشىلىك مۇشەلەرىنە «باسقارۋ مەن مەنەدجمەنت» اتتى كاسىبي كەزدەسۋ ۇيىمداستىرىلدى.
شەبەرلىك-سىنىپتار مەن دوڭگەلەك ۇستەل باسىندا پەداگوگيكالىق ماسەلەلەر بويىنشا كەڭەستەر بەرىلدى.
نزمنىڭ جۇمىس بارىسىنىڭ ەرەكشەلىكتەرى، ۇتىمدى جاقتارىن كورە الدىم. ماقساتقا ساي ناتيجەلى جۇمىس كورىنىس تاپتى. ورىنباسارلاردىڭ جۇمىس جۇيەسى، توقسان سوڭىنداعى تالداۋ جۇمىسى، بجب، تجب جۇمىسى، ۇلگەرمەۋشى وقۋشىمەن جەكە جوسپار، ءبىلىم ساپاسىنا ناتيجەلى جۇمىس جۇرگىزىلگەنى سونىمەن قاتار وقۋشىلاردىڭ ۇيىمداستىرعان ەكسكۋرسياسى ۇنادى، — دەيدى ەسكەلدى اۋدانى، ك.شەستاكوۆ اتىنداعى ورتا مەكتەپ ديرەكتوردىڭ تاربيە ءىسى جونىندەگى ورىنباسارى يلياس باكيشەۆ.
«نازارباەۆ زياتكەرلىك مەكتەپتەرى» دببۇ ءبىلىم بەرۋ باعدارلامالارى ورتالىعى وتكەن جىلى ەل اۋماعىندا 17 تىرەك مەكتەبىنىڭ ۇستازارىنا ءدال وسىنداي سەمينار وتكىزسە، بيىل ولاردىڭ قاتارىنا 63 ءبىلىم وشاعىن قوسپاقشى. ورتالىق ماماندارى الداعى ۋاقىتتا ۇستازداردى ونلاين فورماتتا دا كومەك بەرمەكشى.
«اۋىلدىق جەرلەردەگى تىرەك مەكتەپتەرىنىڭ الەۋەتىن دامىتۋ» جوباسىنىڭ ميسسياسى – اۋىل-ايماقتاردىڭ تۇراقتى دامۋىنا جاردەمدەسۋ، قالالىق جانە اۋىلدىق مەكتەپتەر اراسىنداعى الشاقتىقتى ازايتۋ، NIS تاجىريبەسىن ەلىمىزدىڭ ورتا ءبىلىم جۇيەسىنە تاراتۋ.
