Qazaqstanda 200-den asa jańa mamandyq paıda bolýy yqtımal. Bul týraly Eńbek jáne halyqty áleýmettik qorǵaý mınıstri Svetlana Jaqypova aıtty, dep habarlaıdy «Adyrna» ulttyq portaly.
Halyq Uni saıtynyń aqparatyna sáıkes, vedomstvo basshysy bolashaqta jańa daǵdylarǵa qajettilik týyndaıtynyn atap ótti.
Jańa kásipter men quzyretter atlasyna sáıkes, jaqyn arada Qazaqstanda 239 jańa mamandyq paıda bolýy múmkin. Osyǵan baılanysty búginnen bastap bolashaq kardlardy aldyn ala daıyndaı berý qajet, - dedi mınıstr Úkimet otyrysynda.
Onyń aıtýynsha, bilim berý júıesi men eńbek naryǵyndaǵy baılanysty qamtamasyz etý úshin Ulttyq biliktilik júıesi damytylady.
Kásiptik biliktilik týraly» zań qabyldandy. Tıisti ıfrlyq platforma iske qosyldy. Búginde 623 kásiptik standart qabyldandy, olar 3 myńǵa jýyq kásipke qatysty jumys berýshilerdiń talaptaryn aıqyndaıdy. 2025 jylǵa deıin taǵy 400 kásiptik standart ázirlenedi. Qoldanystaǵy kásiptik standarttar negizinde tehnıkalyq jáne kásiptik bilim berý uıymdary deńgeıinde 4,1 myń bilim berý baǵdarlamasy engizildi, – dedi Svetlana Jaqypova.
Sóz sońynda mınıstr stýdentterdiń óndiristik tájirıbesinen ótý jáne túlekterdi jumysqa ornalastyrý Elektrondyq eńbek bırjasy arqyly iske asyrylatynyn jetkizdi.
«Adyrna» ulttyq portaly
