Zhasproject جوباسى اياسىندا 30-عا جۋىق جاسقا قايتارىمسىز گرانت بەرىلۋ قاراستىرىلعان. وڭىر جاستارىنىڭ ءوز كاسىبىن اشىپ، ونى ىلگەرىلەتۋى ءۇشىن Zhasproject جوباسى ىسكە قوسىلادى. جەڭىمپازدارعا 1 ملن تەڭگە قايتارىمسىز گرانت تابىستالادى. بۇل تۋرالى الماتى وبلىستىق وڭىرلىك كوممۋنيكاتسيالار قىزمەتىنىڭ ءباسپاسوز الاڭىندا الماتى وبلىسىنىڭ ازاماتتىق اليانسى پرەزيدەنتى بالجان دوسالى ايتتى.
«قر مادەنيەت جانە اقپارات مينيسترلىگىنىڭ قولداۋىمەن ازاماتتىق باستامالاردى قولداۋ ورتالىعىمەن بىرلەسىپ جۇزەگە اسىرىلىپ جاتقان Zhasproject جوباسى تۋرالى ايتىلادى. جوبا جاستاردى قولداۋعا جانە دامىتۋعا، ولاردىڭ كاسىبي جانە كوشباسشىلىق داعدىلارىن ارتتىرۋ ءۇشىن جاعداي جاساۋعا، سونداي-اق جەرگىلىكتى قوعامداستىقتىڭ الەۋمەتتىك پروبلەمالارىن شەشۋگە باعىتتالعان ءوز جوباسىن ىسكە اسىرۋ مۇمكىندىگىنە باعىتتالعان»، - دەدى بريفينگتە بالجان ەربولقىزى.
جوبا اياسىندا قازاقستاندىق جاستار گرانتتىق كونكۋرسقا قاتىسۋعا ءوتىنىم بەرە الادى. گرانتتىڭ ەڭ جوعارى سوماسى - 1 000 000. سونىمەن قاتار، جوبانىڭ بارلىق قاتىسۋشىلارى ومىرلىك ماڭىزى بار داعدىلار مەن جۇمىسقا ورنالاسۋ داعدىلارىنا وقىتۋدان ءوتىپ، مەنتورلاردىڭ قولداۋىنا يە بولادى.
«جوباعا ءوز الەۋەتىن، ومىرلىك ماڭىزدى داعدىلارى مەن كوشباسشىلىق قاسيەتتەرىن دامىتۋعا، باستاماشىل يدەيالار مەن جوبالاردى ىسكە اسىرۋعا نيەتتى 18 جاستان 35 جاسقا دەيىنگى (قوسا العاندا) جاستار شاقىرىلادى. مۇندا الەۋمەتتىك وسال ساناتتاعى جاستارعا: تىركەلگەن جۇمىسسىز مارتەبەسى بار جاستار، از قامتىلعان وتباسىلاردا تۇراتىن، جەتىم جانە مۇگەدەك ادامدارعا، مۇگەدەك بالانى تاربيەلەپ وتىرعان اتا-انالارعا، كوپ بالالى وتباسىلارعا، سونداي-اق "التىن القا" جانە "كۇمىس القا" القالارىمەن ناگرادتالعان كوپبالالى انالارعا ەرەكشە باسىمدىق بەرىلەدى»، - دەدى الماتى وبلىسىنىڭ ازاماتتىق اليانسى پرەزيدەنتى بالجان ەربولقىزى.
كەزدەسۋ بارىسىندا جوبانى ىسكە اسىرۋدىڭ نەگىزگى اسپەكتىلەرى، گرانتتىق كونكۋرسقا جانە وقىتۋ باعدارلاماسىنا قاتىسۋ شارتتارى تالقىلانادى، بۇدان باسقا، سپيكەرلەر تۋىنداعان بارلىق سۇراقتارعا جاۋاپ بەرەدى.
