ءدارىحانانىڭ ءبارى ۇلكەن بيزنەسكە اينالىپ كەتكەن. بۇل تۋرالى دەپۋتات داۋلەت مۇقاەۆ ماجىلىستە ەلىمىزدەگى ءدارىحانالاردى تەكسەرىپ، دارىلەر باعاسىن رەتتەۋدى ۇسىندى، دەپ حابارلايدى “ادىرنا” ۇلتتىق پورتالى.
بۇگىن پارلامەنتتە كوشپەلى ءدارىحانا كورسەتىلدى. جەدەل جاردەمدى كورسەتتى. ءبارى جاقسى، ءبارى كەرەمەت. وسى جەردە كوشپەلى ءدارىحانا جايلى ايتقىم كەلىپ وتىر. باعالارى كەرەمەت. ءبارى قولجەتىمدى. سۇراسام، ونى الەۋمەتتىك ءدارىحانا دەيدى. ال ەندى دەنساۋلىق ساقتاۋ مينيسترلىگىندە الەۋمەتتىك دارىلەردىڭ ءتىزىمى بار. ەندى ايتا كەتەيىك، مەن ساۋران كوشەسىندە (استانا قالاسى – رەد.) تۇرامىن. ساۋران كوشەسىندەگى ءبىر عانا تۇرعىن ءۇيدىڭ وزىندە 3 ءدارىحانا بار. ۇشەۋىندە باعالارى ءۇش ءتۇرلى بولادى. ال ەندى الەۋمەتتىك ءدارى بولسا، نەگە باعالارى بىردەي بولمايدى؟ سىزدەر 5% عانا دەپ وتىرسىزدار، - دەدى ول.
سونداي-اق، ول ماجىلىستە ۇيىمداستىرىلعان كورمەدە كوشپەلى ءدارىحانادان ءدارى ساتىپ العانىن مىسالعا كەلتىردى.
ءدارى ساتىپ الدىم. تەرافليۋدىڭ باعاسى 230 تەڭگەگە شىقتى. ال قاراپ وتىرسام، نارىقتاعى باعاسى 500 تەڭگەگە دەيىن بارادى. ءوسىم 140-150%-عا دەيىن. سترەپسيس 1 200 تەڭگەگە الدىم، بىراق باعاسى 1 700 تەڭگەگە دەيىن بارادى. ءوسىم 40%. ال لينەكس 230 تەڭگەگە الدىم، نارىقتاعى باعاسى 280 تەڭگەگە دەيىن بارادى. ءوسىم 30-40%. نوشپانىڭ ءوسىمى 120-140%-عا دەيىن بارادى. سوندا مۇنى كىم رەتتەيدى؟ كىم باعالايدى؟ ويىنا كەلگەن باعاسىن قويا بەرە مە؟ الەۋمەتتىك دارىلەردىڭ ءتىزىمىن بىلەيىك، حالىق ءبىلسىن، - دەپ ايتتى ماجىلىسمەن.
دەپۋتات ءدارىحانالاردى تەكسەرۋ كەرەگىن ايتتى.
بىراق باعا ءارتۇرلى. بۇل قاشانعا دەيىن جالعاسا بەرەدى. وسى ماسەلەنى قولعا الۋ كەرەك. تەكسەرىك كەرەك. ءدارىحانانىڭ ءبارى ۇلكەن بيزنەسكە اينالىپ كەتكەن. كەيدە استانادا تۇرعىن ءۇي كەشەنىنەن ازىق-تۇلىك دۇكەنىن تاپپايمىز. بىراق ءدارىحانا تابامىز، - دەپ ويىن ايتتى داۋلەت مۇقاەۆ.
