جۋرناليست ليۋسي كاسسا پوليتكوۆسكايا سىيلىعىن الدى. ول ماراپاتقا ەفيوپياداعى ازاماتتىق سوعىستى قامتىعان جانە بەيبىت تۇرعىنداردى قۋدالاۋ تۋرالى جازعان جۇمىسى ءۇشىن قول جەتكىزگەن، دەپ حابارلايدى "ادىرنا" ءتىلشىسى dw اگەنتتىگىنە سىلتەمە جاساپ.
بۇل سىيلىق سوعىس پەن قاقتىعىستارداعى ادام قۇقىقتارىن قورعاۋشى ايەلدەرگە بەرىلەتىن اننا پوليتكوۆسكايانىڭ اتىنداعى Reach all Women in WAR (raw in WAR) ۇيىمىنان تابىس ەتىلەدى.
سىيلىق ليۋسيگە "ەفيوپياداعى ازامات سوعىسى كەزىندە بەيبىت تۇرعىندارعا جاسالعان قاتىگەزدىك تۋرالى الەمدى حاباردار ەتۋگە باتىلدىعى مەن تاباندىلىعى ءۇشىن، سونداي-اق تيگراي ايەلدەرىنە ۇلكەن قاۋىپ تونگەن كەزدە بەيبىتشىلىك پەن ادىلەتتىلىك ءۇشىن كۇرەستى"دەگەن اتاقپەن بەرىلدى.
كاسسا شىعارماشىلىقتاعى سوڭعى ءۇش جىلىن ەفيوپياداعى سوعىس قۇرباندارىنا ارناعان. سونىمەن قاتار، ول قۇپيا كونتسلاگەرلەر مەن مىڭداعان بەيبىت تۇرعىنداردىڭ اشتىق پەن اۋرۋدان قايتىس بولۋى تۋرالى اشىق ايتقان.
ەفيوپيالىق جۋرناليست جۇمىسىنا بايلانىستى ۇنەمى قىسىم مەن قاۋىپ - قاتەرگە ءانونيمدى دە، بيلىك وكىلدەرى تاراپىنان دا ءجيى تاپ بولادى.
ليۋسي كاسسا الەمدىك The Guardian, Al Jazeera, The Telegraph جانە Los Angeles Times گازەتتەرىندە شتاتتان تىس جۋرناليست بولىپ جۇمىس ىستەيدى.
