الاياقتار سيم-كارتالاردىڭ جارامدىلىق مەرزىمىن ۇزارتۋدى ۇسىنىپ، ادامداردى الداپ جاتىر. قازاقستاندىقتار مەسسەندجەر ارقىلى الاياقتىقتىڭ جاڭا ءتۇرى تۋرالى اقپارات تاراتىپ جاتىر، دەپ حابارلايدى «ادىرنا» ۇلتتىق پورتالى Stan.kz سايتىنا سىلتەمە جاساپ.
پايدالانۋشىلاردىڭ ايتۋىنشا، الاياقتار تەلەفون سوعىپ، وزدەرىن ۇيالى بايلانىس وپەراتورىنىڭ قىزمەتكەرىمىز دەپ تانىستىرادى. ولار الاياقتىق قۇرباندارىنا ابونەنتتىڭ SIM-كارتاسىنىڭ مەرزىمى ءوتىپ جاتقانىن ايتىپ، ونى جاڭارتۋ ءۇشىن كورسەتىلگەن سىلتەمە بويىنشا ءوتۋىن سۇرايدى. وسىلايشا، الاياقتار بانك قوسىمشالارىنا، رەسمي اككاۋنتتارعا جانە باسقا دا جەكە دەرەكتەرگە قول جەتكىزەدى.
«SIM-كارتالاردىڭ جارامدىلىق مەرزىمى بولمايدى. ال بانك نەمەسە ديسكونتتىق كارتالار سەكىلدى باسقا كارتالاردىڭ جارامدىلىق مەرزىمى ارقاشان سول كارتانىڭ وزىندە جازىلىپ تۇرادى. ەشبىر جاعدايدا، ءتىپتى قوڭىراۋ سوققان ادام ءوزىن بانكتىڭ نەمەسە وپەراتور كومپانيانىڭ قىزمەتكەرىمىن دەپ تانىستىرسا دا، كۇماندى سىلتەمەلەردى باسۋعا نەمەسە SMS كودتاردى، قۇپياسوزدەردى، لوگيندەردى نەمەسە باسقا دا دەرەكتەردى تەلەفون ارقىلى ايتپاۋ كەرەك»، - دەپ ەسكەرتتى Stop Fake سايتى.
«ادىرنا» ۇلتتىق پورتالى
