ازيا ويىندارى. قازاقستان مەدال كەستەسىندە العاشقى وندىقتا

كەشە حانچجوۋدا ءوتىپ جاتقان ازيا ويىندارىندا قازاقستان سپورتشىلارى جەتى مەدال جەڭىپ الدى. بۇل تۋرالى Sports.kz جاريالادى، دەپ حابارلايدى «ادىرنا» ۇلتتىق پورتالى.

جارىستا قازاقستان سپورتشىلارى ءبىر التىن، ءۇش كۇمىس جانە ءۇش قولا جەڭىپ الدى. جالپى، 2023 جىلعى ازيا ويىندارىندا وتاندىق سپورتشىلار قورجىنىندا 68 مەدال بار: 9 التىن، 18 كۇمىس جانە 41 قولا. جالپىكوماندالىق مەدالدىق ەسەپتە قازاقستان 10-شى ورىندا. قۇرلىق بىرىنشىلىگىنىڭ ءابسوليۋتتى كوشباسشىسى – قىتاي، ونىڭ سپورتشىلارى 353 مەدال (187 التىن، 104 كۇمىس جانە 62 قولا) جەڭىپ العان. مەدال ەسەبىندە جاپونيا 166 مەدالمەن (47 التىن، 57 كۇمىس جانە 62 قولا) ەكىنشى ورىندا. ءۇشىنشى ورىندا – وڭتۇستىك كورەيا، ونىڭ قورجىنىندا 169 مەدال (36 التىن، 49 كۇمىس جانە 84 قولا) بار. پوستكەڭەستىك ەلدەر اراسىندا وزبەكستان بۇرىنعىداي كوش باستاپ تۇر، ول بەسىنشى ورىندا (64 مەدال; 20 التىن، 18 كۇمىس جانە 26 قولا). مەدال تىزىمىندە قازاقستاننان تومەن قىرعىزستان – 16-شى ورىن (13 مەدال; 4-2-7), تاجىكستان – 24-ورىن (7 مەدال; 2-1-4) جانە تۇرىكمەنستان – 29-ورىن (5 مەدال; 0-1 -4) تۇر. ازيا ويىندارىنىڭ مەدال كەستەسىندەگى ۇزدىك 10 ەل:  1. قىتاي – 187-104-62 (353) 2. جاپونيا - 47-57-62 (166) 3. وڭتۇستىك كورەيا - 36-49-84 (169) 4. ءۇندىستان - 22-34-39 (95) 5. وزبەكستان – 20-18-26 (64) 6. تايۆان - 17-16-25 (58) 7. سولتۇستىك كورەيا - 11-18-10 (39) 8. تايلاند - 10-14-30 (54) 9. باحرەين - 10-3-5 (18) 10. قازاقستان - 9-18-41 (68).

«ادىرنا» ۇلتتىق پورتالى