ۇلتتىق قور بالالار شوتىنا جينالاتىن قارجىعا قاتىستى ساۋالدارعا جاۋاپ بەردى، دەپ جازادى "ادىرنا". بۇل تۋرالى دەپۋتات داۋلەت مۇقاەۆ ءوزىنىڭ پاراقشاسىندا ءبولىستى.
"ۇلتتىق قور - بالالارعا" جوباسى كامەلەتكە تولماعان ءاربىر قازاقستاندىق بالا ۇلتتىق قوردان ءوز ۇلەسىن الۋعا قۇقىلى ەكەنى ايتىلدى.
بولجام بويىنشا 18 جىل ىشىندە 3 500 دوللار جينالادى. الايدا بۇل سوما ۇلتتىق قوردىڭ كىرىستىلىگىنە بايلانىستى وزگەرۋى مۇمكىن. باعدارلاماعا 17 جاستان باستاپ قوسىلعان بالانىڭ شوتىنا ءبىر جىل ىشىندە نەبارى 100-150 دوللار تۇسەدى.
جىل سايىنعى اۋدارىمداردى ەسەپتەۋ ءۇشىن ۇلتتىق قوردىڭ سوڭعى 18 جىلداعى ورتاشا ينۆەستيتسيالىق كىرىسى ەسەپكە الىنادى. ينۆەستيتسيالىق تابىستىڭ 50 پايىزى كامەلەتكە تولماعان بالالار اراسىندا تەڭدەي بولىنەدى.
ەگەر بالا 18 جاسقا تولعاننان كەيىن جينالعان اقشاسىن الماسا، ول شوتتا 10 جىل بويى ساقتالادى. ون جىلدان كەيىن دە قاجەت بولماسا، قارجى سول ادامنىڭ زەينەتاقى شوتىنا اۋدارىلادى.
ال بالا قايتىس بولعان جاعدايدا قاراجات تۋعان باۋىرلارى اراسىندا بولىنەدى نەمەسە اتا-اناسىنا بەرىلەدى.
سونداي-اق، شوت اشۋ ءۇشىن ەشقايدا بارۋدىڭ قاجەتى جوقتىعى ءسوز ەتىلدى. شوت كەلەر جىلى اۆتوماتتى تۇردە اشىلادى.
18 جىل بويى تەڭگەمەن جينالعان اقشانىڭ قۇنسىزدانۋ دەڭگەيى جوعارى. ءارى دەۆالۆاتسيالىق تاۋەكەلدەر باسىم بولعاندىقتان قورعا قاراجات دوللارلاپ اۋدارىلاتن بولادى.
جينالعان قاراجاتتى باسپانا الۋعا جارنا رەتىندە جانە بىلىمگە جۇمساۋعا بولادى.
سوڭعى دەرەكتەرگە سۇيەنسەك، ەلىمىزدە 18 جاسقا دەيىنگى 6 ملن 700 مىڭ بالا بار ەكەن. "ۇلتتىق قور – بالالارعا" جوباسى 2024 جىلى 1 قاڭتارىنان باستاپ ىسكە قوسىلادى.
