Ūlttyq qor balalar şotyna jinalatyn qarjyǧa qatysty saualdarǧa jauap berdı, dep jazady "Adyrna". Būl turaly deputat Däulet Mūqaev özınıŋ paraqşasynda bölıstı.
"Ūlttyq qor - balalarǧa" jobasy kämeletke tolmaǧan ärbır qazaqstandyq bala Ūlttyq qordan öz ülesın aluǧa qūqyly ekenı aityldy.
Boljam boiynşa 18 jyl ışınde 3 500 dollar jinalady. Alaida būl soma Ūlttyq qordyŋ kırıstılıgıne bailanysty özgeruı mümkın. Baǧdarlamaǧa 17 jastan bastap qosylǧan balanyŋ şotyna bır jyl ışınde nebärı 100-150 dollar tüsedı.
Jyl saiynǧy audarymdardy esepteu üşın Ūlttyq qordyŋ soŋǧy 18 jyldaǧy ortaşa investisiialyq kırısı esepke alynady. İnvestisiialyq tabystyŋ 50 paiyzy kämeletke tolmaǧan balalar arasynda teŋdei bölınedı.
Eger bala 18 jasqa tolǧannan keiın jinalǧan aqşasyn almasa, ol şotta 10 jyl boiy saqtalady. On jyldan keiın de qajet bolmasa, qarjy sol adamnyŋ zeinetaqy şotyna audarylady.
Al bala qaitys bolǧan jaǧdaida qarajat tuǧan bauyrlary arasynda bölınedı nemese ata-anasyna berıledı.
Sondai-aq, şot aşu üşın eşqaida barudyŋ qajetı joqtyǧy söz etıldı. Şot keler jyly avtomatty türde aşylady.
18 jyl boiy teŋgemen jinalǧan aqşanyŋ qūnsyzdanu deŋgeiı joǧary. Ärı devalvasiialyq täuekelder basym bolǧandyqtan qorǧa qarajat dollarlap audarylatn bolady.
Jinalǧan qarajatty baspana aluǧa jarna retınde jäne bılımge jūmsauǧa bolady.
Soŋǧy derekterge süiensek, elımızde 18 jasqa deiıngı 6 mln 700 myŋ bala bar eken. "Ūlttyq qor – balalarǧa" jobasy 2024 jyly 1 qaŋtarynan bastap ıske qosylady.
"Ūlttyq qor – balalarǧa" baǧdarlamasyn byltyr qyrküiekte Qazaqstan halqyna jasaǧan joldauynda prezident ūsynǧan bolatyn. Qasym-Jomart Toqaev är otbasy eldıŋ ūlttyq bailyǧynan öz ülesın aluy kerek ekenın mälımdedı.
Ūqsas jaŋalyqtar
