پرەزيدەنت قاسىم-جومارت توقاەۆ انكاراعا نۇرسۇلتان نازارباەۆتىڭ قۇزىرىنداعى ۇشاقپەن باردى. بۇل تۋرالى الەۋمەتتىك جەلىدە Victor Burdin ەسىمدى قولدانۋشى جازبا جاريالادى، دەپ حابارلايدى “ادىرنا” ۇلتتىق پورتالى.
قاسىم-جومارت توقاەۆ قازاقستان رەسپۋبليكاسىنىڭ پرەزيدەنتى بولىپ سايلانعاندا AirBus ا330 ۇشاعى نازارباەۆتىڭ يەلىگىندە قالىپ، مەملەكەت باسشىسىنا شاعىن AirBus ا321 ۇشاعى بۇيىرعان بولاتىن. ال بۇگىن توقاەۆ نازارباەۆتىڭ ۇشاعىن پايدالاندى.
«الەم ەلدەرىنىڭ پرەزيدەنتتەرىنىڭ ءبارى دەرلىك توقتاۋسىز ۇزاققا سامعايتىن جوعارى كومپلەكتاتسياداعى ۇشاقتارىمەن ماقتانا المايدى. مىسالى، گەرمانيا كانتسلەرىنىڭ قۇزىرىندا قۇنى 220 ملن. دوللار تۇراتىن ۇشاق بولسا، نۇرسۇلتان ءابىشۇلىنىڭ قۇزىرىنداعى لاينەر باعاسى 300 ملن. دوللارعا باعالانعان» دەپ جازدى ول.
جازبا اۆتورى نۇرسۇلتان نازارباەۆتىڭ ءىرى ۇشاقتى مەملەكەت باسشىسىنا قاشان بەرەتىنىن جالىقپاي قاداعالاعانىن جانە ول كۇننىڭ بۇگىن تۋعانىن اتاپ وتكەن.
«نازارباەۆ سوڭعى رەت AirBus ا330 ۇشاعىمەن سانكت-پەتەربۋرگتە وتكەن تمد باسشىلارىنىڭ سامميتىنە 2021 جىلدىڭ 27 جەلتوقسانىندا بارعان. سودان بەرى ۇشاق قاڭتارىلىپ تۇردى. بۇگىن توقاەۆ ءدال وسى اۋە كەمەسىن انكاراعا ءمىنىپ كەلىپتى. بۇل بەكەر ەمەس» دەيدى ول.
”ادىرنا” ۇلتتىق پورتالى
