سوڭعى ەكى جىلدا قازاقستاندا بالالاردىڭ قۇقىقتارىن قورعاۋ باعىتىندا 11 زاڭ مەن باعدارلاما قابىلداندى، دەپ حابارلايدى "ادىرنا" ۇلتتىق پورتالى.
سونىمەن قاتار 158 ناقتى شارانى قامتيتىن «قازاقستان بالالارى» باعدارلاماسى ىسكە قوسىلدى. بۇل تۋرالى قازاقستان رەسپۋبليكاسىنداعى بالا قۇقىقتارى جونىندەگى ۋاكىل دينارا زاكيەۆا استانادا وتكەن Silk Power 2026 الاڭىندا حابارلادى.
زاكيەۆا بالالاردىڭ قاۋىپسىزدىگىن قامتاماسىز ەتۋ، الدىن الۋ جۇيەسىن دامىتۋ جانە وتباسىلاردى قولداۋ شارالارى تۋرالى ايتىپ ءوتتى.
"مەملەكەت باسشىسىنىڭ تاپسىرماسىنا سايكەس، سوڭعى ەكى جىلدا بالالاردىڭ قاۋىپسىزدىگىن قامتاماسىز ەتۋگە، الدىن الۋ جۇيەسىن دامىتۋعا جانە وتباسىلار مەن بالالارعا كومەك كورسەتۋگە باعىتتالعان 11 نەگىزگى زاڭ مەن باعدارلاما قابىلداندى", — دەدى ول.
سونىمەن قاتار وڭىرلەردە اكىمدىكتەر جانىنان بالالاردىڭ قۇقىقتارىن قورعاۋ باسقارمالارى قۇرىلىپ جاتىر. مامانداردى وقىتۋ جانە جۇيەنى جەتىلدىرۋ جۇمىستارى دا جالعاسۋدا.
ومبۋدسمەننىڭ ايتۋىنشا، بۇل جۇمىستىڭ ناقتى ناتيجەسى بار.
"وتكەن جىلدىڭ وزىندە قۇزىرلى ورگاندار بالالاردىڭ قاۋىپسىزدىگىنە قاتىستى 50 مىڭنان استام جاعدايدى انىقتادى. وتباسىلارعا جان-جاقتى كومەك كورسەتىلىپ، بالالارعا قۇقىقتىق قورعانىس قامتاماسىز ەتىلدى", — دەدى زاكيەۆا.
