شىعىس قازاقستان وبلىسى التاي قالاسىندا ورنالاسقان ۆلاديمير لەنيننىڭ ەسكەرتكىشىن قالپىنا كەلتىرۋگە قارسى پەتيتسيا پايدا بولدى، دەپ حابارلايدى «ادىرنا» ۇلتتىق پورتالى
قازىرگى كەزدە قۇجاتتى 1196 ادام قولداسا، 247-ءى قارسىلىعىن ءبىلدىرىپ، قول قويعان. پەتيتسيانىڭ اۆتورى ايگۇل مىرزاعاليەۆا لەنيندى كەز كەلگەن ىمىراعا كەلۋ يدەياسىن تۇبەگەيلى جوققا شىعارعانىن جانە ماسەلەنى شەشۋدىڭ جولى رەتىندە زورلىق-زومبىلىقتىڭ ءپرينتسيپتى جاقتاۋشىسى بولعانىن ايتادى.«ول كسرو-نى كوپتەگەن حالىقتاردىڭ سۇيەگى مەن قانىنا تولتىردى، سونىڭ ىشىندە قازاق ۇلتىن دا قىرىپ-جويدى. سونىڭ ىشىندە گولودومور، قۋعىن-سۇرگىن، سوعىس، جەر اۋدارۋ، سەمەي پوليگونىنداعى يادرولىق سىناقتار، تارتىلىپ قالعان ارال تەڭىزى، ت.ب. ايتۋعا بولادى» - دەپ جازعان پەتيتسيا اۆتورى.سونىمەن قاتار، پەتيتسيادا:
«قازاقستان – تاۋەلسىز مەملەكەت، ونىڭ وزىندىك تاريحى مەن مادەنيەتى بار. مەملەكەتىمىزدىڭ قۇرىلۋىنا، نىعايۋىنا، دامۋىنا شىنايى ىقپال ەتكەن، حالىق جادىندا ماڭگىلىككە قالۋعا شىن مانىندە لايىقتى اقىن-جازۋشىلار، عالىمدار، باتىرلار، حاندار بارشىلىق» دەلىنگەن.
«ادىرنا» ۇلتتىق پورتالى