اۋىل شارۋاشىلىعى مينيسترلىگى بيداي يمپورتىنا سالىنعان تىيىمدى ۇزارتتى. الايدا جەكەلەگەن ساناتتارعا بۇل تالاپتىڭ قاتىسى جوق، دەپ حابارلايدى "ادىرنا" ۇلتتىق پورتالى.
سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ 2023 جىلعى 10 تامىزداعى شەشىمى نەگىزىندە «قازاقستان رەسپۋبليكاسىنىڭ اۋماعىنا اۆتوموبيل جانە تەمىر جول كولىكتەرىمەن بيداي اكەلۋگە تىيىم سالۋ تۋرالى» قر اۋىل شارۋاشىلىعى ءمينيسترىنىڭ 2023 جىلعى 25 قىركۇيەكتەگى №337 بۇيرىعى جارىق كوردى. بۇيرىقتا قازاقستان اۋماعىنا بيداي اكەلۋگە تىيىم سالىنعان مەرزىم ايقىندالادى:
– 2023 جىلعى 11 قازاننان باستاپ ءۇشىنشى ەلدەردەن جانە ەاەو ەلدەرىنەن اۆتوموبيل كولىگىمەن قازاقستان اۋماعىنا بيداي اكەلۋگە تىيىم (سەق تن: 100119; 100199) 6 اي مەرزىمگە ۇزارتىلدى; – ليتسەنزيالانعان ەلەۆاتورلاردىڭ، استىق وڭدەۋشىلەردىڭ جانە قۇس شارۋاشىلىعى كاسىپورىندارىنىڭ اتىنا بيداي اكەلۋدى قوسپاعاندا، ءۇشىنشى ەلدەردەن جانە ەاەو ەلدەرىنەن تەمىر جول كولىگىمەن قازاقستان اۋماعىنا بيداي اكەلۋگە 6 اي مەرزىمگە تىيىم (سەق تن: 100119; 100199) بەلگىلەندى.وسىلايشا، بيدايدىڭ كەز كەلگەن تۇتىنۋشىسى ءونىمدى ليتسەنزيالانعان ەلەۆاتورلار ارقىلى يمپورتتاي الادى. سونداي-اق، ەنگىزىلگەن شەكتەۋلەر قازاقستان اۋماعى ارقىلى بيدايدى تەمىر جول كولىگىمەن ترانزيتتىك تاسىمالداۋعا قولدانىلمايتىنى اتالىپ وتكەن. ورايى كەلگەندە ايتا كەتەيىك، استىق وڭدەۋ جانە قۇس شارۋاشىلىعى كاسىپورىندارىنىڭ تىزبەسىن «اتامەكەن» ۇكپ قالىپتاستىرادى جانە جاڭارتىپ وتىرادى.
"ادىرنا" ۇلتتىق پورتالى
ۇقساس جاڭالىقتار
