قازاقستان رەسپۋبليكاسىنىڭ اۋماعىنا ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن اۆتوموبيل كولىگىمەن جانە تەمىرجول ارقىلى بيداي اكەلۋگە تىيىم سالىندى, دەپ حابارلايدى "ادىرنا" ۇلتتىق پورتالى.
سىرتتان بيداي جەتكىزۋگە قاتىستى تىيىم سالۋ مەرزىمى التى ايعا كوزدەلگەن.
«ساۋدا قىزمەتىن رەتتەۋ تۋرالى» قازاقستان رەسپۋبليكاسى زاڭىنا سايكەس، ەل ىشىنە سىرتتان بەلگىلى كولىك قۇرالدارى ارقىلى بيداي جەتكىزۋ شەكتەلدى. قۇجاتتا:
- التى اي مەرزىمگە: قازاقستان رەسپۋبليكاسىنىڭ اۋماعىنا ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن اۆتوموبيل كولىگىمەن جانە تەمىر جول كولىگىمەن بيداي اكەلۋگە تىيىم سالۋ ەنگىزىلسىن، - دەپ ناقتى كورسەتىلگەن.
دەگەنمەن، شەكتەۋدىڭ ليتسەنزيالانعان ەلەۆاتورلاردىڭ، استىق وڭدەۋشىلەردىڭ، قۇس شارۋاشىلىعى كاسىپورىندارىنىڭ مەكەنجايىنا تەمىر جول كولىگىمەن بيداي اكەلۋگە قاتىسى جوق.
قۇجاتتا اتالمىش بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ اۋىل شارۋاشىلىعى ۆيتسە-مينيسترىنە جۇكتەلەتىندىگى جازىلعان.
"ادىرنا"ۇلتتىق پورتالى
