بۇرىن مەدرەسەدە وقىپ، يمام بولعان ءانشى، ساياتشى سەرالى قۇسمان دىنگە كوزقاراسىنىڭ وزگەرۋىنە نە سەبەپ بولعانىن ايتتى. بۇل تۋرالى ول «قۋات احمەتجانوۆ» YouTube ارناسىنا بەرگەن سۇحباتىندا مالىمدەدى، دەپ حابارلايدى.
ايتۋىنشا، ۇستازدارى دومبىراعا قارسى بولعان ەكەن.
«قۇنانباي قاجى مەدرەسەسىن بىتىرگەن سوڭ اسۋبۇلاق دەگەن جەردە يمام، كەيىننەن وسكەمەندە نايب-يمام بولدىم. ودان كەيىن سەمەيدەگى ورتالىق مەشىتتە ازانشى بولدىم. ءبىزدى، 4 مۋزىكانتتى ازانشى بولۋعا دايىندادى. ول جەردە ماعان باستى ۇناماعان تاقىرىپ دومبىراعا قاتىستى ەدى. «دومبىرا – شايتان» دەدى بىزگە ءبىر كۇنى ۇستازدارىمىز. ال ءبىز دومبىرامەن ءان ايتامىز. سودان مەن ولارعا: «ءبىزدىڭ سالت-داستۇرىمىزدە حارام دەگەن دۇنيەنىڭ ءبارى – ارام» دەدىم. داۋ تۋىندادى. ورتامىزدا ءدىني ءبىلىم الىپ جۇرگەن ءارتۇرلى ۇلتتىڭ وكىلى ادامداردىڭ نەگە تابىناتىنىن ءسوز قىلىپ، سونىڭ دۇرىس ەمەس ەكەنىن ايتادى. مەن دە اڭگىمەگە ارالاسىپ: «ءبىز دە قارا تاسقا تابىنىپ ءجۇرمىز ەمەس پە؟» دەدىم. ولار سول ارقىلى جاراتۋشىعا جول تاباتىندارىن العا تارتادى. جوق، اركىم وزىنشە ءبىر نارسەدەن بويىنا قۋات الادى عوي»، - دەدى سەرالى قۇسمان.
سونداي-اق، ول مەشىتتە ساليۋت اتىپ، جۇمىستان شىعىپ كەتكەنىن ايتتى.
«31 جەلتوقسان كۇنى مەشىتتە كەزەكشىلىككە قالامىز. ءبىزدى ۇلكەندەر قالدىرىپ كەتەدى. بىزگە دە مەيرام كەرەك، مۇنارانىڭ ۇستىنەن ساليۋت اتىپ، ىشىندە شامپان اتىپ، ۇستالىپ، جۇمىستان كەتكەنمىن. ءدىن ادامنىڭ جەكە ماسەلەسى عوي، كەيىننەن وزىمە دالا زاڭى جاقىن ەكەنىن، ءوزىمنىڭ قۇل ەمەس، جاراتۋشىنىڭ ۇلى ەكەنىمىزدى، الىپ تا دارحان دالامىزدا دالا زاڭىمەن، تابيعي تازالىقپەن ءومىر ءسۇرۋ كەرەك ەكەنىن ۇعىندىم»، - دەدى ول.
