Buryn medresede oqyp, ımam bolǵan ánshi, saıatshy Seráli Qusman dinge kózqarasynyń ózgerýine ne sebep bolǵanyn aıtty. Bul týraly ol «Qýat Ahmetjanov» YouTube arnasyna bergen suhbatynda málimdedi, dep habarlaıdy.
Aıtýynsha, ustazdary dombyraǵa qarsy bolǵan eken.
«Qunanbaı qajy medresesin bitirgen soń Asýbulaq degen jerde ımam, keıinnen Óskemende naıb-ımam boldym. Odan keıin Semeıdegi Ortalyq meshitte azanshy boldym. Bizdi, 4 mýzykantty azanshy bolýǵa daıyndady. Ol jerde maǵan basty unamaǵan taqyryp dombyraǵa qatysty edi. «Dombyra – shaıtan» dedi bizge bir kúni ustazdarymyz. Al biz dombyramen án aıtamyz. Sodan men olarǵa: «bizdiń salt-dástúrimizde haram degen dúnıeniń bári – aram» dedim. Daý týyndady. Ortamyzda dinı bilim alyp júrgen ártúrli ulttyń ókili adamdardyń nege tabynatynyn sóz qylyp, sonyń durys emes ekenin aıtady. Men de áńgimege aralasyp: «biz de qara tasqa tabynyp júrmiz emes pe?» dedim. Olar sol arqyly Jaratýshyǵa jol tabatyndaryn alǵa tartady. Joq, árkim ózinshe bir nárseden boıyna qýat alady ǵoı», - dedi Seráli Qusman.
Sondaı-aq, ol meshitte salıýt atyp, jumystan shyǵyp ketkenin aıtty.
«31 jeltoqsan kúni meshitte kezekshilikke qalamyz. Bizdi úlkender qaldyryp ketedi. Bizge de meıram kerek, munaranyń ústinen salıýt atyp, ishinde shampan atyp, ustalyp, jumystan ketkenmin. Din adamnyń jeke máselesi ǵoı, keıinnen ózime dala zańy jaqyn ekenin, ózimniń qul emes, Jaratýshynyń uly ekenimizdi, alyp ta darhan dalamyzda dala zańymen, tabıǵı tazalyqpen ómir súrý kerek ekenin uǵyndym», - dedi ol.
