گەرمانيا كانتسلەرى ولاف شولتس ارمەنيا پرەمەر-ءمينيسترى نيكول پاشينيانمەن تەلەفون ارقىلى سويلەستى. تىلدەسۋ بارىسىندا گفر-نىڭ قاقتىعىستى بەيبىت جولمەن شەشۋدى قۇپتايتىندىعىن ايتىپ، تاۋلى قاراباق تۇرعىندارى قاۋىپسىزدىگىنىڭ قاشان دا ماڭىزدى ەكەندىگىن جەتكىزدى، دەپ حابارلايدى "ادىرنا" ۇلتتىق پورتالى DM اقپاراتتىق پورتالىنا سىلتەمە كورسەتە وتىرىپ.
گفر كانتسلەرى ولاف شولتس 22 قىركۇيەك، جۇما كۇنى، ارمەنيا پرەمەر-ءمينيسترى نيكول پاشينيانمەن تەلەفون ارقىلى سويلەستى. اڭگىمە، ەڭ الدىمەن، تاۋلى قاراباقتاعى جاعداي جانە جەرگىلىكتى تۇرعىندارعا گۋمانيتارلىق كومەك كورسەتۋ قاجەتتىلىگى تۋرالى بولدى. بۇل جايلى گفر ۇكىمەتىنىڭ رەسمي وكىلى ستەففەن حەبەنسترايت حابارلادى.
تىلدەسۋ بارىسىندا شولتس گەرمانيا ۇكىمەتىنىڭ ءازىربايجان مەن ارمەنيا اراسىنداعى بەيبىت كەلىسىمگە كەلۋىن قولدايتىنىن ايتىپ، قاقتىعىستى شەشۋ ءۇشىن اسكەري كۇش قولدانۋدان باس تارتقانىن دۇرىس دەپ ەسەپتەيتىنىن جەتكىزدى. سونىمەن بىرگە، گفر كانتسلەرى ۇزاق مەرزىمدى بەيبىتشىلىككە قول جەتكىزۋ ءۇشىن "تاۋلى قاراباق حالقىنىڭ قۇقىقتارى مەن قاۋىپسىزدىگىنە كەپىلدىك بەرۋ كەرەك" دەپ اتاپ ءوتتى.
سونىمەن قاتار، شولتس ارمەنيانىڭ اۋماقتىق تۇتاستىعى مەن ەگەمەندىگىن قۇرمەتتەۋ ماڭىزدى ەكەنىن ايتتى.
"ادىرنا" ۇلتتىق پورتالى
