قازاقستان پرەزيدەنتى قاسىم-جومارت توقاەۆ نيۋ-يوركتە يادرولىق قارۋدان ازات ايماق تۋرالى شارتقا تەرىس كەپىلدىكتەر تۋرالى حاتتامانى راتيفيكاتسيالاۋىنىڭ ماڭىزدىلىعىن اتاپ ءوتتى، دەپ حابارلايدى "ادىرنا" ءتىلشىسى.
مەملەكەت باسشىسى اقش-تىڭ ورتالىق ازياداعى يادرولىق قارۋدان ازات ايماق تۋرالى شارتقا تەرىس كەپىلدىكتەر تۋرالى حاتتامانى راتيفيكاتسيالاۋىنىڭ ماڭىزدىلىعىن اتاپ ءوتتى. بۇعان دەيىن حاتتامانى قىتاي، رەسەي، فرانتسيا جانە ۇلىبريتانيا سىندى بىرقاتار ەلدەر راتيفيكاتسيالاعان.
جيىندا ورتالىق ازيا سولتۇستىك جارتى شاردا اۋماعىندا يادرولىق ارسەنالداردى ورنالاستىرۋعا تىيىم سالىنعان جالعىز ايماق ەكەنى اتاپ ءوتىلدى. وسىنداي ايماقتار لاتىن امەريكاسىندا، افريكادا، وڭتۇستىك-شىعىس ازيادا جانە وڭتۇستىك تىنىق مۇحيتىندا قۇرىلعان.
قازاقستان پرەزيدەنتى قاسىم-جومارت توقاەۆ نيۋ-يورككە ساپارى اياسىندا ورتالىق ازيا جانە اقش مەملەكەت باسشىلارىنىڭ سامميتىنە قاتىسقانىن ەسكە سالامىز. سامميتتە توقاەۆ اقش پرەزيدەنتى دجوزەف بايدەننەن كەيىن ءسوز سويلەگەن ەدى.
كەزدەسۋ بارىسىندا مەملەكەتتەر اراسىنداعى ستراتەگيالىق ارىپتەستىكتى، ساياسي ديالوگتى، ساۋدا-ەكونوميكالىق، ينۆەستيتسيالىق جانە گۋمانيتارلىق ىنتىماقتاستىقتى ودان ءارى دامىتۋ پەرسپەكتيۆالارى، سونداي-اق ەۋرازياداعى بەيبىتشىلىك پەن تۇراقتىلىقتى ساقتاۋ ماسەلەلەرى تالقىلاندى.
ۇقساس جاڭالىقتار
