ءازىربايجان پرەزيدەنتى رەسەيلىك ارىپتەسىنە قاراباقتاعى رەسەيلىك اسكەريلەردىڭ ولىمىنە كىنالىلەردىڭ بارلىعى «ءتيىستى جازاسىن الاتىنىن» ايتىپ، قازا تاپقانداردىڭ وتباسىلارىنا قارجىلاي كومەك كورسەتۋگە دايىن ەكەنىن ءبىلدىردى. بۇل تۋرالى كرەمل مالىمدەدى، دەپ حابارلايدى “ادىرنا” ۇلتتىق پورتالى.
21 قىركۇيەكتە ءازىربايجان پرەزيدەنتى يلحام اليەۆ پۋتينگە تەلەفون شالىپ، تاۋلى قاراباق اۋماعىندا رەسەيلىك اسكەري قىزمەتكەرلەردىڭ قازاسى ءۇشىن كەشىرىم سۇرادى، - دەلىنگەن كرەملدىڭ ءباسپاسوز قىزمەتى تاراتقان حابارلامادا.
حابارلاما بويىنشا، ازەربايجان باسشىسى "بۇل جاعداي بارىنشا مۇقيات تەكسەرىلىپ، بارلىق كىنالىلەر ءتيىستى جازاسىن الاتىنىن" ايتتى. ەكى ەلدىڭ باس پروكۋراتۋرالارى تىعىز بايلانىستا. اليەۆ قازا بولعانداردىڭ وتباسىنا قارجىلاي كومەك كورسەتۋگە دايىن ەكەنىن جەتكىزدى.
پۋتين مەن اليەۆ قاراباقتاعى سوعىس قيمىلدارىن توقتاتۋ جونىندە قول جەتكىزىلگەن كەلىسىمدەردى ىسكە اسىرۋ ماڭىزدى ەكەنىن اتاپ ءوتتى.
رەسەي پرەزيدەنتى "قاراباقتاعى ارميان حالقىنىڭ قۇقىعى مەن قاۋىپسىزدىگىن قامتاماسىز ەتۋ ماڭىزدى ەكەنىن" باسا ايتتى، باكۋ بۇل ماسەلەلەر بويىنشا رەسەيلىك بىتىمگەرشىلىك كۇشتەرىمەن ءوزارا ارەكەتتەسۋگە دايىن ەكەندىگىن جەتكىزدى.
بۇعان دەيىن ازەربايجان مەن ارمەنيا دەلەگاتسيالارى ازەربايجاننىڭ ەۆلاح قالاسىندا كەزدەستى. تاراپتار رەينتەگراتسيا ماسەلەلەرىن تالقىلادى.
ايتا كەتەيىك، 19 قىركۇيەك كۇنى ازەربايجان قورعانىس مينيسترلىگى تاۋلى قاراباقتا تەرروريزمگە قارسى شارالار باستالعانىن حابارلاعان ەدى.
