Ázirbaıjan prezıdenti reseılik áriptesine Qarabaqtaǵy reseılik áskerılerdiń ólimine kinálilerdiń barlyǵy «tıisti jazasyn alatynyn» aıtyp, qaza tapqandardyń otbasylaryna qarjylaı kómek kórsetýge daıyn ekenin bildirdi. Bul týraly Kreml málimdedi, dep habarlaıdy “Adyrna” ulttyq portaly.
21 qyrkúıekte Ázirbaıjan prezıdenti Ilham Álıev Pýtınge telefon shalyp, Taýly Qarabaq aýmaǵynda reseılik áskerı qyzmetkerlerdiń qazasy úshin keshirim surady, - delingen Kremldiń baspasóz qyzmeti taratqan habarlamada.
Habarlama boıynsha, Ázerbaıjan basshysy "bul jaǵdaı barynsha muqııat tekserilip, barlyq kináliler tıisti jazasyn alatynyn" aıtty. Eki eldiń bas prokýratýralary tyǵyz baılanysta. Álıev qaza bolǵandardyń otbasyna qarjylaı kómek kórsetýge daıyn ekenin jetkizdi.
Pýtın men Álıev Qarabaqtaǵy soǵys qımyldaryn toqtatý jóninde qol jetkizilgen kelisimderdi iske asyrý mańyzdy ekenin atap ótti.
Reseı prezıdenti "Qarabaqtaǵy armıan halqynyń quqyǵy men qaýipsizdigin qamtamasyz etý mańyzdy ekenin" basa aıtty, Baký bul máseleler boıynsha reseılik bitimgershilik kúshterimen ózara árekettesýge daıyn ekendigin jetkizdi.
Buǵan deıin Ázerbaıjan men Armenııa delegaııalary Ázerbaıjannyń Evlah qalasynda kezdesti. Taraptar reıntegraııa máselelerin talqylady.
Aıta keteıik, 19 qyrkúıek kúni Ázerbaıjan Qorǵanys mınıstrligi Taýly Qarabaqta terrorızmge qarsy sharalar bastalǵanyn habarlaǵan edi.
