15-16 قىركۇيەك كۇندەرى الماتى قالاسىندا قازاقستان مۇسىلماندارى ءدىني باسقارماسى «حالال دامۋ» ستاندارتتاۋ جانە سەرتيفيكاتتاۋ مەكەمەسىنىڭ ۇيىمداستىرۋىمەن «HALAL EXPO-2023» كورمەسى ءوتتى.
بۇل كورمە – حالالدى ناسيحاتتاۋ، تۇتىنۋشى مەن ءوندىرۋشى اراسىن جالعاۋ، كاسىپكەرلەردىڭ ءوزارا بايلانىسىن نىعايتۋمەن قاتار، شەت ەلدىك ماماندارمەن تاجىريبە الماسۋ، حالال ونىمدەردى تانىتۋ ماقساتىندا III رەت وتكىزىلگەن حالىقارالىق ايتۋلى شارا.
كورمەگە وتاندىق جانە وزبەكستان مەن قىرعىزستان، ۋكراينا، مالايزيا مەن يندونەزيا مەملەكەتتەرىنىڭ حالال سەرتيفيكاتىن يەلەنگەن كاسىپورىندارى، ونىمدەرى قاتىستى. كەلۋشىلەردىڭ حالال ونىمدەردىڭ ءتۇرلى اسسورتيمەنتىمەن تانىس بولىپ، اتالمىش ونىمدەردى تىكەلەي وندىرۋشىدەن نارىقتىق باعادان تومەن الۋعا مۇمكىندىگى بولدى.
سونداي-اق، قازاقستاندا 50-گە جۋىق نۇكتەسى بار، ەلىمىزگە تانىمال فاستفۋد ءونىمى ماكيماكي “ۇزدىك حالال كاسىپورىن” نوميناتسياسىمەن ماراپاتتالدى.
«HALAL EXPO-2023» كورمەسىندە قمدب توراعاسى، باس ءمۇفتي ناۋرىزباي̆ قاجى تاعانۇلى «ۇزدىك حالال كاسىپورىنداردى» ماراپاتتادى. سونىمەن قاتار، شەت ەلدىك جانە وتاندىق حالال ستاندارتتاۋ جانە سەرتيفيكاتتاۋ سالاسى ماماندارىنىڭ قاتىسۋىمەن ءتۇرلى دارىستەر ءوتىپ، كۇي ويناتىلدى.
باقبەرگەن نۇراي كينو&مەديا ماماندىعىنىڭ 1 كۋرس ستۋدەنتى جەتەكشىسى: اعا وقىتۋشى، كۋراتور ن.ب.رۋشانوۆا
"ادىرنا" ۇلتتىق پورتالى
