كرەملدە شەشەنستان رەسپۋبليكاسىنىڭ باسشىسى رامزان قادىروۆتىڭ دەنساۋلىعى تۋرالى اقپارات جوق. بۇل تۋرالى رف پرەزيدەنتىنىڭ ءباسپاسوز حاتشىسى دميتري پەسكوۆ مالىمدەدى، دەپ حابارلايدى “ادىرنا” ۇلتتىق پورتالف.
بىلەسىز بە، بىزدە بۇل ماسەلە بويىنشا ەشقانداي اقپارات جوق. قالاي بولعاندا دا، پرەزيدەنت اكىمشىلىگى دەنساۋلىق تۋرالى انىقتاما بەرە المايدى. سوندىقتان بۇل جەردە سىزگە ايتاتىن ەشتەڭە جوق، - دەدى پەسكوۆ دۇيسەنبىدە جۋرناليستەرگە.
قادىروۆتىڭ جەكسەنبى كۇنى ماسكەۋدە بولۋى جانە پرەزيدەنتپەن كەزدەسۋى تۋرالى سۇراققا جاۋاپ بەرگەن پەسكوۆ:
جوق، مەنىڭ دە ايتار ءسوزىم جوق پۋتينمەن كەزدەسۋلەر بولعان جوق، دەپ ءتۇسىندىردى.
ايتا كەتەيىك، وتكەن دەمالىس كۇندەرى ءارتۇرلى تەلەگرام كانالدارىندا قادىروۆتىڭ دەنساۋلىعىنىڭ ناشارلاعانى، سونداي-اق ونىڭ ماسكەۋدەگى اۋرۋحانادا جاتقانى تۋرالى اقپارات پايدا بولدى. ءبىر كۇن بۇرىن قادىروۆتىڭ ءوزى ارناسىندا «ينتەرنەتتەگى شىندىقتى وتىرىكتەن اجىراتا المايتىنداردىڭ بارلىعىن تازا اۋادا سەرۋەندەپ، ويلارىن رەتكە كەلتىرۋگە» شاقىرعان ۆيدەو جاريالادى.
