تانىمال قىتايتانۋشى عالىم كونستانتين سىروەجكيندى قازاقستاننىڭ ارنايى قىزمەتى شپيوندىق جاسادى دەگەن كۇدىكپەن قاماۋعا الدى. بۇل تۋرالى CentrAsia حابارلايدى.
«قازاقستاندىق ارنايى قىزمەت بەلگىلى ساياساتتانۋشى ك.ل. سىروەجكيندى تۇتقىندادى. قازاقستاندا كوپتەن بەرى جۇمىس ىستەپ جۇرگەن ك.ل. سىروەجكين قىتاي جونىندەگى جەتەكشى مامان بولىپ سانالادى. پرەزيدەنت ك.توقاەۆتىڭ «جاڭا الەمدىك ءتارتىپتى قالىپتاستىرۋ كەزەڭىندەگى قازاقستاننىڭ سىرتقى ساياساتى» دوكتورلىق ديسسەرتاتسياسىنىڭ نەگىزگى عىلىمي كەڭەسشىسى بولدى. (...) بەيرەسمي اقپاراتقا سايكەس، ك.سىروەجكين تىڭشىلىق جاسادى دەگەن كۇدىككە ىلىنگەن »، - دەلىنگەن حابارلامادا.
توقاەۆتىڭ دوكتورلىق ديسسەرتاتسيانىڭ قورعاۋى 2001 جىلعى 4 ماۋسىمدا ماسكەۋ قالاسىندا ءوتتى.
باسىلىمدا كەلتىرىلگەن ءومىربايانىنا سايكەس، 2006 جىلدان باستاپ سىروەجكين قازاقستان رەسپۋبليكاسى پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى بولدى.
ول «قىتايداعى قازاقتار: الەۋمەتتىك-ەكونوميكالىق جانە مادەني دامۋ تۋرالى ماقالالار»، «قازىرگى شىڭجاڭ جانە ونىڭ قازاقستان-قىتاي قارىم-قاتىناستارى»، «قازاقستان-قىتاي: ترانسشەكارالىق ىنتىماقتاستىقتان ستراتەگيالىق ارىپتەستىككە»، «قازاقستاننان قورقۋ كەرەك پە؟ قىتاي: ميفتەر مەن فوبيالار" كىتاپتارىنىڭ اۆتورى.
"ادىرنا" ۇلتتىق پورتالى
