كيم چەن ىن پۋتينمەن كەزدەسۋ ءۇشىن «ۆوستوچنىي» عارىش ايلاعىنا كەلدى

1448
Adyrna.kz Telegram
فوتو: KCNA/KNS/AP Photo
فوتو: KCNA/KNS/AP Photo

سولتۇستىك كورەيا باسشىسى كيم چەن ىن رەسەي پرەزيدەنتى ۆلاديمير پۋتينمەن كەزدەسۋ ءۇشىن امۋر وبلىسىنداعى «ۆوستوچنىي» عارىش ايلاعىنا باردى، دەپ حابارلايدى “ادىرنا” ۇلتتىق پورتالى. 

باق بەتتەرىندەگى اقپاراتقا سۇيەنسەك، سولتۇستىك كورەيا باسشىسى رەسەي باسشىسىنىڭ شاقىرۋىمەن بارعان.

رەسەي پرەزيدەنتىنىڭ ءباسپاسوز حاتشىسى دميتري پەسكوۆ حابارلاعانداي، رەسەي قورعانىس ءمينيسترى سەرگەي شويگۋ پۋتين مەن كيم چەن ىن اراسىنداعى كەلىسسوزدەرگە قاتىسادى.

ينتەرفاكس اگەنتتىگى پۋتين مەن كيمنىڭ عارىش ايلاعىنداعى بىرنەشە نىساندى تەكسەرىپ، ودان كەيىن كەلىسسوز جۇرگىزەتىنىن جازدى. 

كەزدەسۋ بارىسىندا ەكى مەملەكەت باسشىلارى ەكىجاقتى ىنتىماقتاستىق ماسەلەلەرىن، ونىڭ ىشىندە ساۋدا-ەكونوميكالىق بايلانىستار مەن مادەني الماسۋلاردى تالقىلايدى، سونداي-اق ايماقتاعى جانە الەمدەگى جاعداي تۋرالى پىكىر الماسپاق. 

رەسەي سىرتقى ىستەر ءمينيسترىنىڭ ورىنباسارى اندرەي رۋدەنكو كحدر باسشىسىنىڭ رەسەيگە ساپارى بارىسىندا حاسان ستانتسياسىنان (رەسەي) كورەيانىڭ رادجين پورتىنا دەيىنگى تەمىرجولدى جاڭعىرتۋ جوباسىن جۇزەگە اسىرۋ تاقىرىبى كوتەرىلۋى مۇمكىن ەكەنىن مويىندادى.

ءبىر كۇن بۇرىن كيم چەن ىن رەسەيگە ءتورت جىلداعى العاشقى ساپارىن سولتۇستىك كورەيا مەن رەسەي فەدەراتسياسى اراسىنداعى ستراتەگيالىق قارىم-قاتىناستاردىڭ ماڭىزدىلىعىن كورسەتۋ دەپ اتادى.

بۇعان دەيىن كحدر وڭتۇستىك كورەياعا يادرولىق سوققى بەرۋدى يميتاتسيالايتىن جاتتىعۋلار وتكىزگەن.

پىكىرلەر